Hayot faoliyati

va foydalanish muddati tugagan zaharli ximikatlar, shuningdek,

176,2 ming dona zaharli moddalar idishlari saqlanmoqda.

Respublikada 1989-yildan boshlab ifloslantiruvchi moddalarning

atmosferaga chiqarilishi 2,1 barobarga pasaydi, ifloslangan

oqava suvlarning tashlanishi ikki baravar kamaydi. Pestitsidlardan

foydalanish keyingi 5 yil davomida 4 baravarga qisqardi.

Kimyoviy zaharli moddalardan muhofazalanish

Ogohlantirish tadbirlari. Yashash joyingiz yoki ishxonangiz

yaqinida kimyoviy xavfli obyekt bor-yo‘qligini aniqlang. Agar

bo‘lsa, mazkur obyektdagi KXMning potensial xavfi va alohida

belgilari, xususiyatlari bilan tanishib chiqing. Aholini avariyadan

ogohlantiruvchi «Diqqat, barchaga!» signalining xarakterli

xususiyatlarini (sirena ovozi va korxonalarning qisqa gudoklari),

xabar berilganda harakat qilish tartiblari, xonalarni germetik

yopish, suv va oziq-ovqat muhofazasi qoidalarini eslab qoling.

O‘zingiz va oilangiz uchun paxta-dokali bog‘lamlarni tayyorlab,

ma’lum joyda saqlang. Shuningdek, kimyoviy xavfli

hududlardagi avariyalar vaqtida aholining harakati bo‘yicha

eslatmani ham saqlab qo‘ying. Imkoni bo‘lganda KXMning

tegishli turlaridan muhofaza qiladigan gazga qarshi gazniqoblar

olib qo‘ying.