Hasharotlarning ichki organlari

Hasharotlarda murakkab va oddiy ko‘zlar mavjud bo‘lib, bir juft murakkab ko‘zi ko‘p sondagi mayda ko‘zchalardan tashkil topgan. Har bir ko‘zcha obyektning ma’lum bir qismini ko‘radi. Barcha ko‘zchalar birgalikda butun obyektni ko‘radi. Murakkab ko‘zlar yordamida hasharotlar atrofni rangli tasvirda va oddiy ko‘zlar orqali esa faqat oq qora tasvirda ko‘radi.

Hasharotlar mo‘ylovlari yordamida hidni sezadi. Erkak hasharotlarda mo‘ylovlar yaxshi taraqqiy etgan bo‘lib, urg‘ochilarini izlab topishda ham xizmat qiladi. Ayrim kapalaklarning erkaklari urg‘ochilarini hididan 11 km masofadan topib bora oladi. Hasharotlarning butun tanasida, ayniqsa, pastki lab va pastki jag‘laridagi tuklar tuyg‘u vazifasini bajaradi. Hasharotlarda ta’m bilish organlari ham yaxshi taraqqiy etgan bo‘lib, og‘iz, oyoq va mo‘ylov uchlarida joylashgan.