Harbiy xizmatchilarning huquqiy holati. Harbiy xizmatchilarga beriladigan imtiyozlar. Harbiy xizmatni o‘tash tartibiga qarshi jinoyatlar

OTISH TAYYORGARLIGI
Otish tayyorgarligi shaxsiy tarkibini o‘z qurolidan jangovar holatning turli sharoitlarida mohirlik bilan foydalana olishlikka o‘rgatish maqsadida o‘tkaziladi.
Otish tayyorgarligi quyidagi bo‘limlarni o‘z ichiga oladi: qurolning moddiy qismlari; otish asoslari; otishning usullari va qoidalari; qo‘l granatalarini uloqtirish; jangda kuzatish va masofalarni aniqlash.
Qurolning moddiy qismlari - qurolning vazifasini, tuzilishini va jangovar xususiyatlarini o‘rganishga mo‘ljallangan bo‘limdir. Qurolni moddiy qismlarini bilishlik u bilan to‘g‘ri muomala qilishlik, uni asrab-avaylash va turli sharoitlarda otganda benuqson ishlashini ta’minlab berish uchun zarurdir.
Otish asoslari - nazariy bo‘lim. U otish hodisasini va o‘qni havoda uchish qonuniyatlarini o‘rganishga mo‘ljallangan. Bu otish qoidalarini ongli tarzda o‘zlashtirish va jangda raqibini yo‘q qilish uchun mohirlik bilan foydalanishda juda zarurdir.
Otishning usullari va qoidalari - otish tayyorgarligining muhim bo‘limi. U joyning, sutkaning turli sharoitlarida turlicha holatlardan qo‘zg‘almas, qo‘qqisdan paydo bo‘ladigan va harakat qiladigan nishonlarni mohirlik bilan o‘t ochib yo‘q qilish uchun zarurdir.
Qo‘l granatalarini uloqtirishga o‘rgatish jangda har qanday sharoitlarda turli holatlardan qo‘l granatalarini uloqtirishni o‘zlashtirish uchun zarurdir.
Jangda kuzatish va masofani aniqlash - dushmanni kuzatish, nishonni aniqlash va ungacha bo‘lgan masofani aniqlash, mo‘ljalni va mo‘ljallash nuqtasini to‘g‘ri tanlash, shuningdek, otishni tuzatish bo‘yicha ko‘nikma hosil qilish maqsadida o‘tkaziladi.