Harbiy-texnik instituti konstitutsiyaviy huquq

3-§. Fuqarolarning o’zini o’zi boshqarish organlarining tarkibiy 
tuzilmalari, ularning vakolatlari 
Yuqorida ta’kidlanganidek, fuqarolar o’zini o’zi boshqarish organlari 
fuqarolar yig’ini ifodasida o’z faoliyatini amalga oshiradi. Fuqarolar 

---

600 
yig’ini tegishli hududda istiqomat qiluvchi aholining manfaatlarini 
ifodalovchi va uning nomidan mazkur hududda umummajburiy 
qarorlarni chiqarish huquqiga ega bo’lgan organ bo’lib hisoblanadi. 
Fuqarolar yig’inining qat’iy miqdori belgilanmagan. 
“Fuqarolarning o’zini o’zi boshqarish organlari to’g’risida”gi 
Qonunning fuqarolar yig’ini o’z ishchi organlarini tuzishiga doir masalalar 
o’z ifodasini topgan. Ular quyidagilardir: 
–fuqarolar yig’ini kengashi; 
–fuqarolar yig’ini faoliyatining asosiy yo’nalishlari bo’yicha 
komissiyalar; 
–taftish komissiyasi. 
Fuqarolar yig’ini kengashi – fuqarolar yig’inining ijro organi bo’lib 
hisoblanadi, u huquqni tatbiq etuvchi, ijrochi va boshqarib turadigan 
maxsus organdir. Bu organni tashkil qilishdan asosiy maqsad – iqtisodiy, 
ijtimoiy-madaniy va ma’muriy-siyosiy hamda tartibga solib turish 
jarayonida aholi qabul qilgan qaror va umummajburiy qoidalarni 
hayotga joriy qilishdan iborat. 
Fuqarolar yig’ini kengashi tarkibiga fuqarolar yig’inining raisi 
(oqsoqoli), uning o’rinbosarlari (fuqarolar yig’ini raisining keksalar va 
faxriylar ishlari hamda yoshlar masalalari bo’yicha maslahatchilari) va 
maslahatchilari, mas’ul kotib, tuman (shahar) xotin-qizlar qo’mitasining 
xotin-qizlar bilan ishlash va oilalarda ma’naviy-axloqiy qadriyatlarni 
mustahkamlash bo’yicha mutaxassisi, «Mahalla posboni» jamoatchilik 
tuzilmasining rahbari, shuningdek, hududdagi profilaktika inspektorlari, 
ta’lim muassasalarining, qishloq vrachlik punktlarining va oilaviy 
poliklinikalarning rahbarlari kiradi. 
Fuqarolar yig’ini kengashining vakolatlari “Fuqarolarning o’zini 
boshqarish organari to’g’risida”gi Qonunning 13-moddasi bilan tartibga 
solinadi. 
Fuqarolar yig’inlarida fuqarolar yig’ini faoliyatining asosiy 
yo’nalishlari bo’yicha quyidagi komissiyalar tuziladi: