Harbiy-texnik instituti konstitutsiyaviy huquq

fuqarolar yig’inida ishtirok etuvchilar 
ro’yxatiga kiritilgan
fuqarolarning yarmidan kami ishtirok etgan bo’lsa, 
saylov o’tmagan deb topiladi. Fuqarolar yig’ini raisi (oqsoqoli) va uning 
maslahatchilari saylovi 
fuqarolar vakillarining yig’ilishlarida
o’tkazilgan taqdirda, agar yig’ilishda fuqarolar vakillarining uchdan ikki 
qismidan kami (2/3-1) ishtirok etgan bo’lsa, saylov o’tmagan deb 
topiladi”, degan qoida belgilangan. 
Saylov natijalari ishchi guruhlardan olingan hujjatlar asosida 
saylovni tashkil etish va ko’maklashish bo’yicha tuman, shahar 
komissiyalari tomonidan aniqlanadi. Huddi shu asosda ular saylovning 
haqiqiyligi, uning natijasi, tegishli holatlarda takroran ovoz berish yoki 
qayta saylov o’tkazish lozimligi to’g’risida qaror qabul qiladi. 
Saylovlar bo’yicha oxirgi natija saylovni tashkil etish va 
ko’maklashish bo’yicha respublika, viloyat, shahar komissiyalari 
tomonidan aniqlanadi. 
Saylov kampaniyasi davomida bahsli vaziyatlar yuzaga kelishi 
mumkin. Saylov huquqini buzgan fuqarolarning o’zini o’zi boshqarish 
organlari, saylov komissiyasi, ishchi guruh qabul qilgan qaror va harakati 
(harakatsizligi) ustidan sudga yoki tegishli saylov komissiyasiga shikoyat 
qilish mumkin. Shuningdek,arizachi o’z arizasida u yoki bu tartib 
yuzasidan shikoyat qilish huquqiga ega. 
O’zbekiston Respublikasining «Fuqarolarning huquqlari va 
erkinliklarini buzadigan xatti-harakatlar va qarorlar ustidan sudga shikoyat 
qilish to’g’risida»gi Qonuni 1-moddasiga muvofiq, «har bir fuqaro davlat 
organlari, korxonalar, muassasalar, tashkilotlar, jamoat birlashmalari, 
fuqarolarning o’zini o’zi boshqarish organlari yoki mansabdor 
shaxslarning g’ayriqonuniy xatti-harakatlari bilan o’z huquqlari yoki 
erkinliklari buzilgan deb hisoblasa, shikoyat bilan sudga murojaat
qilish huquqiga ega».