Harbiy-texnik instituti konstitutsiyaviy huquq

birinchidan, 
Qonunchilik palatasi qonun ijodkorligi sohasida 
professional faoliyat ko’rsatadi, qonun loyihalari qonunchilik tashabbusi 
subyektlari tomonidan Qonunchilik palatasiga kiritiladi. O’zbekiston 
Respublikasi Konstitutsiyasining 84-moddasiga ko’ra, qonun Senat 
tomonidan rad etilganda Qonunchilik palatasi deputatlar umumiy 
sonining uchdan ikki qismidan iborat ko’pchilik ovozi bilan, Prezident 
tomonidan qaytarilganda, O’zbekiston Respublikasi Oliy Majlisining 
Qonunchilik palatasi deputatlari va Senati a’zolari umumiy sonining 
kamida uchdan ikki qismidan iborat ko’pchilik ovozi bilan ma’qullansa, 
imzolash va e’lon qilish uchun Prezidentga yuboriladi; 
–
ikkinchidan, 
O’zbekiston Respublikasi Bosh vaziri nomzodi 
O’zbekiston Respublikasi Oliy Majlisining Qonunchilik palatasiga 
saylovlarda eng ko’p deputatlik o’rnini olgan siyosiy partiya yoki teng 
miqdordagi eng ko’p deputatlik o’rinlarini qo’lga kiritgan bir necha 
siyosiy partiyalar tomonidan taklif etiladi; 
–
uchinchidan,
Bosh vazirga nisbatan ishonchsizlik votumi bildirish 
haqidagi masala O’zbekiston Respublikasi Oliy Majlisi palatalarining 
qo’shma majlisi muhokamasiga Qonunchilik palatasi deputatlari umumiy 
tayyor sonining kamida uchdan bir qismi tomonidan O’zbekiston 
Respublikasi Prezidenti nomiga rasman tayyorlangan taklif bo’yicha 
kiritiladi; 
–
to’rtinchidan, 
Qonunchilik palatasi va Qonunchilik palatasi deputati 
davlat hokimiyati va boshqaruvi organlarining mansabdor shaxslariga 
ularning vakolatlariga kiradigan masallar yuzasidan asoslantirilgan 
tushuntirish berish yoki nuqtayi nazarini bayon qilish talabi bilan 
parlament, deputat so’rovi yo’llashga haqli; 
–
beshinchidan, 
Qonunchilik palatasi, Qonunchilik palatasining 
Spikeri, Qonunchilik palatasi deputatlari umumiy sonining kamida to’rtdan 
bir qismidan iborat deputatlar guruhi Konstitutsiyaviy sudda ko’rib chiqish 
uchun masalalar kiritish huquqiga ega.