Harbiy-texnik instituti konstitutsiyaviy huquq

Saylovchilar ro’yhatini tuzish.
Fuqarolar yig’ini organlarida saylov 
harakatlarini tashkil etishda saylovchilarni ro’yxatga olish asosiy 
muammo hisoblanadi. Saylovchilarning ro’yxati ularning soni va shaxsi 
to’g’risidagi ma’lumotlar asosida tuziladi. Saylovchilar ro’yxatini tuzish 
murakkab, mas’uliyatli va ko’p mehnat talab etadigan ish. Saylovchilar 
ro’yxatini tuzish – saylov kuni keladigan saylovchilar shaxsini aniqlash, 
ularning saylov huquqini ta’minlash, shuningdek,saylovga ovoz berish 
uchun kiritilgan saylovchini boshqa fuqarolar tomonidan qilinishi mumkin 
bo’lgan tajovuzdan himoya etish uchun zarur.
Saylovchilarning zamon talablari darajasida hisobga olinishini 
tashkil qilishdan maqsad, birinchi navbatda, saylovga tayyorgarlik 
ko’rayotganda va uni o’tkazishda fuqarolarning saylov huquqini to’la 
ta’minlash kafolotlanadigan shart-sharoit yaratish, shuningdek, 
saylovchilar to’g’risida aniq ma’lumotlar tayyorlash bo’yicha ichki
tizimli yondashuv hisobiga saylov komissiyasi va guruhining samarali 
ishlashini ta’minlashdan iborat.
“Fuqarolar yig’ini raisi (oqsoqoli) saylovi to’g’risida”gi Qonunning 
15-moddasiga asosan “ishchi guruhi fuqarolar yig’ini ishtirokchilarini 
ro’yxatga oladi.
Fuqarolar yig’ini qatnashchilarini ro’yxatga olish saylovni tashkil 
etishda asosiy vazifa sanaladi. Saylovchilar ro’yxatini tuzish har bir 
saylovchiga o’zining aktiv saylov huquqini ro’yovga chiqarish uchun 
imkoniyat yaratadi hamda tegishli hududda yashamaydigan yoxud saylov 
huquqidan mahrum etilgan shaxslarning saylovda ishtirok etishiga yo’l 
qo’ymaydi. 
“Fuqarolar yig’ini raisi (oqsoqoli) saylovi to’g’risida”gi Qonunning
8-moddasiga asosan “Fuqarolar yig’ini raisi (oqsoqoli) va uning 
maslahatchilari fuqarolar yig’ini tomonidan, fuqarolar yig’inini chaqirish 
imkoni bo’lmagan taqdirda esa, fuqarolar vakillarining yig’ilishi 
tomonidan saylanishi mustahkamlangan. Shuning uchun saylovchilarni 
ro’yxatga olishning ikki xil ko’rinishlari mavjud. 
Birinchisi, saylovchilar ro’yxati ishchi guruh tomonidan har bir uy 
a’zolari uchun alohida tuziladi. Ro’yxatga tegishli hududda doimiy 
istiqomat qiluvchi hamda saylov kuni aktiv saylov huquqiga ega bo’lgan 
barcha fuqarolar kiritiladi. O’zbekiston Respublikasi fuqarosi pasportida 
o’z aksini topgan ma’lumot tegishli hududda yashovchi saylovchilarni 
ro’yxatga olish uchun asos bo’lib xizmat qiladi. 
Ikkinchisi, vakillar yig’ilishida ishtirok etish uchun nomzodi ilgari 
surilgan va fuqarolar yig’inida ishtirok etish uchun nomzodi tasdiqlangan 

---

596 
shaxslar tomonidan fuqarolar yig’ini raisi va uning maslahatchilari 
saylanadi. 
«Fuqarolar saylov huquqlarining kafolatlari to’g’risida»gi 
qonunning 8-moddasiga binoan O’zbekiston Respublikasining doimiy 
istiqomat qilib turgan fuqarolari saylovchilar ro’yxatida turish huquqiga 
egadirlar. Saylovchilarni ro’yxatga olishga doir masalalar ichki ishlar 
organlarining pasport-viza xizmati ma’lumotlari asosida olib borilishi 
maqsadga muvofiq.