Harbiy-texnik instituti konstitutsiyaviy huquq

3) ma’muriy-hududiy tuzilish masalalarini hal etish sohasida:

O’zbekiston Respublikasi tarkibiga yangi davlat tuzilmalarini qabul 
qilish va ularning O’zbekiston Respublikasi tarkibidan chiqishi haqidagi 
qarorlarni tasdiqlash; 

O’zbekiston Respublikasining ma’muriy-hududiy tuzilishi 
masalalarini qonun yo’li bilan tartibga solish, chegaralarini o’zgartirish; 

---

452 

tumanlar, shaharlar, viloyatlarni tashkil etish, tugatish, ularning 
nomini hamda chegaralarini o’zgartirish. 
Ushbu vakolatlarni amalga oshirish tartibi “O’zbekiston Respublikasida 
ma’muriy-hududiy tuzilish masalalarini hal etish tartibi to’g’risida” 
(1996-y.) hamda “Geografik obyektlarning nomlari to’g’risida”gi (2011-y.) 
qonunlar bilan belgilangan.
4) moliya va kredit sohasida:

boj, valyuta va kredit ishlarini qonun yo’li bilan tartibga solish; 

O’zbekiston Respublikasi Vazirlar Mahkamasining taqdimiga 
binoan O’zbekiston Respublikasining Davlat budjetini qabul qilish va 
uning ijrosini nazorat etish; 

soliqlar va boshqa majburiy to’lovlarni joriy qilish. 
Bu masalalarni tartibga solishda “Valyutani tartibga solish to’g’risida” 
(yangi tahrir) (2003-y.), “Banklar va bank faoliyati to’g’risida” (1996-y.), 
“Iste’mol krediti to’g’risida” (2006-y.), O’zbekiston Respublikasining 
Soliq kodeksi(2007-y.) va boshqa qonunlarni keltirish mumkin. 
5) davlat hokimiyati mexanizmini tashkil etish sohasida: 

O’zbekiston Respublikasi qonun chiqaruvchi, ijro etuvchi hamda 
sud hokimiyati organlarining tizimini va vakolatlarini belgilash; 

O’zbekiston Respublikasi Prezidentining vazirliklar, davlat 
qo’mitalari va davlat boshqaruvining boshqa organlarini tuzish hamda 
tugatish to’g’risidagi farmonlarini tasdiqlash; 

O’zbekiston Respublikasi Markaziy saylov komissiyasini tuzish; 

O’zbekiston Respublikasi Prezidentining taqdimiga binoan 
O’zbekiston Respublikasi Bosh vaziri nomzodini ko’rib chiqish va 
tasdiqlash; 

O’zbekiston Respublikasi Oliy Majlisining Inson huquqlari 
bo’yicha vakili va uning o’rinbosarini saylash; 

O’zbekiston Respublikasi Hisob palatasining hisobotini ko’rib 
chiqish.

Misol tariqasida, O’zbekiston Respublikasi Bosh vaziri nomzodini 
ko’rib chiqish va tasdiqlash tartibi O’zbekiston Respublikasining
2011-yil 18-apreldagi “O’zbekiston Respublikasi Konstitutsiyasining 
ayrim moddalariga o’zgartish va qo’shimchalar kiritish to’g’risida 
(78,80, 93, 96 va 98-moddalariga)” gi qonuniga muvofiq tartibga solingan. 
Palatalarning birgalikdagi vakolatlariga kiritilgan mazkur masalalarni, 
hal qilish tartibiga ko’ra uch guruhga ajratish mumkin: 

---

453