Har kunimiz navro’Z bo’lsin!

Har kunimiz NAVRO’Z bo’lsin!
Bayram o’tkaziladigan joy milliy so’zanalar, o’quvchilar qo’li bilan tayyorlangan gullagan shaftoli, gilos daraxtlari , qog’ozdan yasalgan qushlar bilan bezatiladi.
Bayram karnay -sunray navolari bilan boshlanadi .
1-boshlovchi:
Nihollarni uyg’otib , Ezgu hislar qo’zg’ati, Sabolarni uyg’otib , Navro’z keldi, Navro’zjon!
2-boshlovchi:
Chamanlarni yashnatib, Ko’ngillarni yayratib, Qumri, bulbul sayratib, Navro’z keldi, Navro’zjon!
(Fonogramma orqali taniqli xonanda Ziyoda Qobilova ijrosida “Navro’z” qo’shig’i yangraydi. Saxnada yashil rang ko’ylak kiyib, sochlariga binafsha taqqan 20 nafar qiz dastlab boshini quyi solib cho’kalab o’tiradi. Ular ko’karayotgan maysalarni tasvirlab egilgan boshini sekin ko’taradi va o’rnidan turib raqsga tushadi.)
Davraga ikki tomondan yog’och otda ikki nafar jarchi kirib keladi.
1-jarchi:
Odamlar-u, odamlar, Zavqu shavqqa hamdamlar, Eshitmadim demanglar,
Eshitmasdan qolmanglar!
2-jarchi:
O’zimizning Navro’zni,
Navro’zi dilafro’zni
Shodon kutib olamiz,
Katta bayram qilamiz.
Jarchilar chiqib ketadi. Birguruxqizlar “Navro’z kelibon” (sheri) qo’shig’iga raqsga tushadilar. So’ngra “Bahor valsi” yangrab Bahoroy kirib keladi.
Bahoroy:
Ustimdagi qorlarni
Qoqib-qoqib uyg’ondim.
Yomg’irli yo’laklarda
Yugirgilab uyg’ondim.
Kurtaklarning isidan
Mast bo’ldimu kuyladim
Olchaning oq gullarin Boshdan sochib o’ynadim.
Bobo, momo, ona, bog’bonbobo, dexqonbobo, cho’pon davraga kiradi.
Bahoroy ularga qarab:
Yangi yilingiz muborak bo’lsin, hoy bobo!
Yangi yilingiz muborak bo’lsin, hoy momo!
Yangi yilingiz muborak bo’lsin, hoy ona!
Hoy bog’bonbobo, niholingizga bersin baraka!
Hoy dehqonbobo, dalangizga bersin baraka!
Hoy cho’ponbobo, qo’rangizga bersin baraka!