Har bir millatning o’zligini ko’rsatadigan va dunyo xalqlari ichida boshqalardan ajralib turishini ta’minlaydigan narsa, albatta, bu o’sha xalqning tili hisoblanadi

I BOB. UYG‘UR TILINING BUGUNGI KUNDAGI AHAMIYATI

1. 
   Uyg‘ur tili va adabiyoti haqida tushuncha
   

Har bir xalq o‘zining kelib chiqish etnografiyasiga qarab ma’lum davrlar tarixiga ega bo‘ladi. Bu ayni vaqtda shu xalqning yaratgan moddiy va ma’naviy boyligini aks ettirib, shu bilan birga xalq tarixida o‘z o‘rniga ham ega bo‘ladi. Shu nuqtayi nazardan qaraganda, uyg‘ur xalqi dunyo tarixida o‘ziga xos o‘rinni egallagan yuksak madaniyatga ega bo‘lgan qadimiy xalqlarning biridir.²

Men hozirda o‘rganayotgan til, ya’ni uy‘ur tili yaqindagina paydo bo‘lib qolgan til emas. Uyg‘urlar – sharqdagi boy tarixga, necha asrlik madaniy taraqqiyotga ega yirik xalqlardan biridir.³ Uyg‘ur tilining ham xuddi o‘zbek tilidek o‘ziga xos tarixi, taraqqiyot bosqichlari mavjud. Bu til ustida qanchadan-qancha olimlar ilmiy ishlar, izlanishlar olib borgan. Xuddi shunday uyg‘ur adabiyotida ham.

Uyg‘ur xalqi qadim zamonlardan tortib to bugungi kunga qadar
Shinjon-Uyg‘ur avtonom rayoninig hududida yashagan va yashab kelmoqda. Bu haqida qadimgi tarixchilarning, olimlarning asarlarida ma’lumotlar uchraydi.
II asrda yashab ijod qilgan Klavdey Ptolomeyning dastlabki uyg‘urlar haqidagi ma’lumotini rus olimi akademik V.V.Radlov o‘zining “К вопросу об уйгурах” nomli kitobida keltirib o‘tgan. Unga ko‘ra Ptolomeyning oyxard degan aholisi uyg‘ur bo‘lib, Tarim vodiysi (hozirgi XXR hududi)da yashagan ekan.⁴

Xunlarning qabila ittifoqida katta ahamiyat kasb etgan uyg‘ur qabilalarining bir qismi eramizning boshlarida Ordos va Gansu atroflarida ko‘chmanchi holda hayot kechirgan. Olim Radlov shu haqida o‘z asarlarida quyidagicha yozadi:

«Большая часть этих восточних тюрков проникла, без сомнения, еще в период процветания государства Хун-ну, в Восточный Туркестан и уже очень рано отчасти смешались с туземцами, отчасти основалась отдельными поселениями. К этим последним принадлежат несомненно Че-шы, древние обитатели Хами и восточных отрогов Тянь-Шаня… Эти Че-шы в течение нескольких столетий выказывают склонность подчиняться Хун-ну и отвращение от господства китайцев… Истории этих Че-шы все исследователи постоянно посвящали особое внимание, так как на потомков их указывают, как на последние остатки уйгуров»⁵.

Milodiy asrning boshlarida Sharqiy Turkiston, Yettisuv va oltoyda yashagan uyg‘ur qabilalari sharqiy o‘lkalardagi qarindoshlaridan oldinroq o‘troq hayotga moslashgan. Aholi hayotidagi bu o‘zgarish uning madaniyatining o‘sishiga olib keladi. Buning natijasida uyg‘ur xalqida yozuv paydo bo‘ldi. Yozuv paydo bo‘lgandan keyin yozma yodgorliklar qog‘ozga ko‘chirila boshlandi.

Shuningdek, Sharqiy Turkistondagi uyg‘urlar manixey dinini sharqdagi qarindoshlaridan bir necha asr avval qabul qilgan edi. Uyg‘urlarning xitoy manbaalarida gaogyuy deb atalgan davrida ikkiga bo‘linganligi haqida professor D.I. Tixonov quyidagicha o‘z bilgalarini yozgan edi:

«Ближайшие предшественники уйгуров гаюгюй во второй половине V в. После продолжительной борьбы с жуань-жуаньями разделились на две части. Одни ушли на север в долины рек Орхана, Селеньги, а другие к Алтаю и Тянь-Шаню. Видимо с этим делением следует связывать указание о том, что он уйгуры, составляющие южное объединение, в III в. Начали передвигаться на запад, а токуз-уйгуры – северное объединение – подались на север»⁶.

“IV-V asrlarda, deb yozadi professor Y.Z.Shirvaniy, - manixeizm Uyg‘uristonga tarqalib, o‘sha yerda joylashib qoladi. Keyingi vaqtlar manishilar uyg‘ur madaniy muhiti bilan qo‘shilib, uyg‘urlashib, uyg‘ur yozig‘ini qabul qiladi”⁷.

2.