Халкаро шартномалар хукуки

 
9.3. Xalqaro shartnomalarning mutloq haqiqiy emasligi 
 
a)  Davlat  yoki  xalqaro  tashkilot  vakillarini  shartnomaga  rozilik 
bildirishga undash. 
Davlat vakillarini shartnomaga rozilik bildirishga undash diplomatik 
amaliyotda  uchrab  turadi.  Napoleon  1797  yilda  Avstriya  vakilini  do’q-
po’pisa  va  qo’rqitish  yo’li  bilan  uning  Frantsiya  bilan  shartnomasini 
imzolashiga  erishgan.  1905  yil  Yaponiyaning  Koreya  anneksiyasi 
to’g’risidagi  shartnomani  koreya  imperatori  yapon  harbiy  soqchilari 
qurshovida  imzolagan.  1939  yilda  Chexoslovakiya  ustidan  protektorat 
haqidagi  Germaniya  bilan  bo’lgan  shartnomani  chexoslavakiya  prezident 
tomonidan  imzolashiga  nemis  havo  kuchlarining  Pragani  bombardimon 
qilish havfi bilan bog’liq holat majburlagan. 
Xalqaro  huquqning  an’anaviy  doktrinasi  vakilni  majburlashni  kuch 
ishlatish  asosida  shartnomani  haqiqiy  emas  deb  topishning  yagona  holati 
sifatida  ajratdi.  I.Blyunchli  fikricha,  agar  bir  tomon  vakili  ikkinchi 
tomonning  kuch  ishlatish  yo’li  bilan  shartnomaga  rozi  bo’lishga 
majburlangan  bo’lsa,  u  holda  bunday  kelishuv  haqiqiy  emas  deb 
hisoblanadi
1
.  Bu  qoida  davlatlarga  nisbatan  majburlov  doimiy  holat 
bo’lgani  bilan  izohlanadi.  Nazariya  va  amaliyotning  tahlili  shunga 
guvohlik  beradi,  unga  ko’ra  vakolatli  shaxsni  undash  natijasida  tuzilgan 
shartnomani haqiqiy emas deb hisoblash haqidagi xalqaro huquqning odat 
normasi qadimdan mavjud bo’lgan
2
. 
1969 yildagi Vena konvensiyasi moddasini qo’shish lozim. 
1986  yil  Xalqaro  tashkilotlar  ishtirokida  o’tkazilgan  xalqaro 
shartnomalar  huquqi  bo’yicha  Vena  konferensiyasida  Xalqaro  huquq 
komissiyasi  takliflari  o’zgarishsiz  qabul  qilindi.  51-modda  “Davlat  yoki 
                                                 
1
 Qarang: Bluntschli J. Droit international codife. Paris, 1870.P. 357. 
2
 Qarang: Sandorski  J. Op.cit. 1978.S.132 

---

161 
 
xalqaro  tashkilot  vakilini  majburlash”  ga  muvofiq,  shartnomani  bajarish 
bo’yicha  davlat  yoki  xalqaro  tashkilot  roziligi  uning  vakilini  unga  qarshi 
yo’naltirilgan harakat yoki tahdid bilan  majburlash natijasida ifodalangan 
bo’lsa, u hech qanday yuridik ahamiyatga ega emas.  
A.N.Talalaev  bu  moddani  sharhlash  jarayonida  kuch  tushunchasiga 
juda  keng  izoh  berdi:  “...”Kuch”  yoki  “majbur  qilish”  tushunchasi 
zamirida kuch ishlatishning har qanday shakllari: harbiy, iqtisodiy, siyosiy, 
jismoniy, psixologik va boshqalar tushunilishi lozim”
1
.