Халкаро шартномалар хукуки

2.1.  Xalqaro shartnoma va xalqaro shartnomalar huquqi tushunchasi 
 
 
Hozirgi  kunda  xalqaro  munosabatlarning  ma’lum  bir  darajada 
shartnomalarsiz  boshqariluvchi  biror  bir  sohasini  topish  qiyin. 
Shartnomalar  siyosiy  va  harbiy  hamkorlikni,  iqtisodiy  va  moliyaviy 
aloqalarni,  ilm-fan,  texnika,  madaniyat,  atrof-muhitni  himoya  qilish  va 
boshqa  doiralardagi  hamkorlikni  amalga  oshiradi.  Shartnomalar  asosida 
xalqaro  tashkilotlar  tuziladi  va  faoliyat  olib  boradi.  Shartnomalar 
davlatning  milliy  tizimini  tartibga  solinishida  ham  muhim  ahamiyatiga 
ega.  
Xalqaro  huquqning  ko’rib  chiqilayotgan  sohasining  ahamiyati 
ularning  zamonaviy  xalqaro  munosabatlardagi  roli  bilan  belgilanadi. 
Shartnomalar  boshqa  bir  qator  global  muammolarning  yechimiga  bog’liq 
bo’lgan,  zamonning  muhim  muammosi  –  xalqaro  tizim  boshqaruvining 
jadal  rivojlanib  borishi  bilan  bog’liq  bo’lgan  masalalar  yechimida  zaruriy 
vosita hisoblanadi. 
Xalqaro shartnoma xalqaro huquq sub’ektlari o’rtasidagi hamkorlikni 
aniqlashning  oddiy,  keng  tarqalgan  va  turli  xil  munosabatlarni  tartibga 
soladigan yuridik shakli hisoblanadi. 
 
Mazkur  ta’rif  deyarli  barcha  milliy  va  xorijiy  Xalqaro  ommaviy 
huquq darsliklarida o’z aksini topgan.