“Халқаро молия ва ҳисоб” илмий журнали. №1, февраль, 021 йил. Issn: 2181-1016 M. S. Aliqulov

---

“Халқаро молия ва ҳисоб” илмий журнали. №1, февраль, 2021 йил. ISSN: 2181-1016 
1 
M.S.Aliqulov
Toshkent moliya instituti 
 
SUG‘URTA KOMPANIYALARIDA INVESTITSIYA PORTFELINI 
OPTIMALLASHTIRISH YO‘LLARI
Maqolada sug‘urta kompaniyalarining investitsiyalash imkoniyatlarini hisobga olgan holda, 
investitsiya portfelining eng yaxshi variantlari yaratish ko‘rib chiqilib, uning algoritmi ishlab 
chiqilgan. Sug‘urta tashkilotlarni investitsion portfellarni shakllantirish dolzarbligi ochib berildi. 
Sug‘urta tashkilotlarida investitsiya portfelini maqsadiga qarab qaysi turdagi qimmatli qog‘ozlarni 
tanlab olish kerakligi bo‘yicha jadval shakllantirildi. Sug‘urta tashkilotlarining investitsiya portfelini 
shakllantirish bo‘yicha, hozirgi kungacha mavjud bo‘lgan modellarni umumlashtirib, har bir model 
bo‘yicha afzalliklari va kamchiliklarini tahlil qildi. Iqtisodchi olimlar tomonidan ishlab chiqilgan 
sug‘urta kompaniyalarining investitsiya portfelini shakllantirish nazariyalarini o‘rganish asosida 
muallif tomonidan xulosa va takliflar ishlab chiqilgan hamda mamlakatimizda qo‘llash bo‘yicha 
tavsiyalar berilgan. 
Tayanch so‘zlar:
sug‘urta, sug‘urta faoliyati, sug‘urta mablag‘lari, sug‘urta mukofoti, 
investitsiya, investitsiya portfeli, investitsiya faoliyati, sug‘urta kompaniyasi, sug‘urta bozori. 
M.S.Alikulov 
Tashkent Institute of Finance 
THE WAYS TO OPTIMIZE THE INVESTMENT PORTFOLIO IN 
INSURANCE COMPANIES 
The article considered the creation of the best options for an investment portfolio, taking into 
account the investment opportunities of insurance companies, and developed its algorithm. The 
relevance of the formation of investment portfolios of insurance organizations was revealed. In 
insurance organizations, a table was formed on what types of securities should be selected, depending 
on the purpose of the investment portfolio. On the formation of the investment portfolio of insurance 
organizations, summarizing the existing models to date, he analyzed the advantages and disadvantages 
of each model. On the basis of studying the theories of the formation of the investment portfolio of 
insurance companies developed by economist scientists, the author developed conclusions and 
recommendations on the application in our country. 
Keywords:
insurance, insurance activities, insurance funds, insurance premium, investment, 
investment portfolio, investment activities, insurance company, insurance market. 
KIRISH 
Bugungi kunda sug‘urta tashkilotlarining investitsiya faoliyatini samarali tashkil 
etish maqsadida optimal investitsiya portfelini shakllantirish, sug‘urta (qayta sug‘urta 
tashkilotlarining investitsiya instrumentlarini kengaytirish, shu jumladan ipoteka, lizing 
va mikromoliyalash, qimmatli qog‘ozlar va boshqa investitsiya faoliyatini rivojlantirish 
[1] dolzarb masalalardan hisoblanadi. Sug‘urta kompaniyalari investitsiya faoliyatini 
amalga oshirish orqali moliyaviy mabag‘larga ega bo‘ladi. Ushbu hosil bo‘lgan 
mablag‘larni yangi sug‘urta xizmati turlarini ko‘paytirishga hamda ushbu bo‘sh pul 
mablag‘larini aniq, samarali investitsiyalarga yo‘nalish chora-tadbirlarini ko‘rishlari 
lozim bo‘ladi. 
Shuningdek, vaqtincha bo‘sh pul mablag‘lariga ega bo‘lgan sug‘urta tashkilotlari 
ulardan samarali foydalanish, aniqlangan beqarorlik omillarini hisobga olgan holda 

---