Халқ таълими ходимлари малакасини ошириш тизимини ислоҳ қилишнинг долзарб

МАКТАБГАЧА ТАЪЛИМ ТАШКИЛОТИДА ҚУЛАЙ ИЖОБИЙ МУҲИТ ЯРАТИШ 
 
Г.А.Гайназарова- 
А.Авлоний номидаги ХТТРМХҚТМОИ таянч докторанти 
 
Аннотация. Мазкур мақолада мактабгача таълим ташкилотида қулай ижобий муҳит 
яратиш тизимлари тахлил қилинган бўлиб, бунда тарбиячилар эътибор бериши керак 
бўлган жиҳатлар ёритилган 
Калит сўзлар: ижобий муҳит, интерфаол муҳит, фасилитатор, қурувчи – дизайнер
Мактабгача таълим ташкилотининг энг муҳим ижобий мухити болаларда ҳаётий 
кўникма ва малакаларни шакллантириш жараёнидир. Бу болаларнинг имкониятларини 
ривожлантиради, бироқ, уларда ижобий ривожланишни таъминламаслиги мумкин. Бу 
муаммо тарбиячининг педагогик маҳорати ва касбий компетенциясига боғлиқ. Педагогик 
маҳорат ва компетенцияни ривожлантиришда замонавий технологиялардан фойдаланиш 
тақозо этилади.
Мактабгача таълим ташкилоти тарбиячилари қулай интерфаол муҳитни қуйидагича 
тизимда яратишлари лозим. 
1.
Психологик-руҳий;
2.
Интеллектуал-ақлий; 
3.
Жисмоний.

---

245 
Агарда юқорида келтирилган тизим асосида қулай интерфаол муҳит яратилса, 
самарали натижага эришиш мумкин. 
Юқорида келтирилган интерфаол муҳит тизимларини таҳлил қиламиз. 
Психологик қулай муҳит яратиш бу
- боланинг индивидуал-психологик 
хусусиятларини ҳисобга олиш ва ташкилий, коммуникатив шароит билан боғлиқ равишда 
амалга оширишдир. Болалар ўзларини руҳан эркин ва қулай ҳис қилсалар уларда 
ҳурсандчилик, қониқиш, юқори кайфият юзага келади. Бу ҳолат бевосита таълим 
жараёнидаги мулоқот, ва бошқа субъектив вазиятлар билан боғлиқ бўлади. Ижобий 
ҳисларнинг юзага келишида боланинг фаолият мотивацияси, хулқ-автори, атроф-муҳит ва 
субъектив жараёнлар сабаб бўлади.
Психологик қулай муҳит яратишда биринчи галда интерфаол муҳит воситалари ва 
болалар ўртасида шахслараро муносабат муҳим ўрин тутади. «