Халқ таълими ходимлари асосий лавозимларининг малака тавсифлари

62-§. Дефектолог лавозимининг малака тавсифлари (республика ташхис 
маркази, халқ таълим муассасалари фаолиятини методик
таъминлаш ва ташкил этиш туман
(шаҳар) бўлимларида) 
Тартиб рақами 
2717 
Машғулотларнинг миллий стандарт 
классификатори бўйича коди 
2330 
Ходимлар тоифаси 
Мутахассис 
196. Лавозим вазифалари: 
а) врач ва психолог билан биргаликда ўн тўрт ѐшгача бўлган руҳий ва жисмоний 
ривожланишида муаммоси бор болаларни аниқлаш; 
б) уларни ўқитиш ва тарбиялаш бўйича тавсиялар бериш ҳамда касбга йўналтириш 
ишларини таъминлаш; 
в) халқ таълими бошқарув органларига ўрта-махсус касб-ҳунар таълими 
муассасаларида ривожланишида муаммоси бўлган битирувчилар учун махсус гуруҳлар очиш 
таклифини киритиш; 
г) жисмоний ва психологик ривожланишида муаммоси бор болаларнинг ота-оналарига 
уларнинг кейинги турмуш тарзини белгилаш, соғлигини тиклаш, ўқитиш, уларни касбий 
қизиқишлари бўйича ишга жойлаштиришда амалий ѐрдам кўрсатиш; 
д) зарур ҳолларда жисмоний ѐки психик ривожланишида нуқсонлари бўлган 
болаларни тегишли ташхис қўйиш учун психологик-тиббий-педагогик комиссияга 
йўналтириш; 
е) санитария-гигиена талаблари, меҳнатни муҳофаза қилиш, техника ва ѐнғин 
хавфсизлиги қоидалари талабларига риоя қилиш. 

---

85 
197. Билиши лозим: 
а) давлатимизнинг халқ таълимига оид ва болалар ҳуқуқларини тартибга солувчи 
норматив-ҳуқуқий ҳужжатларини; 
б) таълим бўйича статистик материалларни; 
в) махсус ва ѐшлар педагогикаси ва психологиясини; 
в) дефектологиянинг анатомик-физиологик ва клиник асосларини; 
г) ўқувчилар (тарбияланувчилар) ривожланишидаги камчиликларни олдини олиш, 
тузатишнинг методлари ва усулларини; 
д) ривожланишда камчиликлар мавжуд бўлган ўқувчилар (тарбияланувчилар) билан 
ишлашда қўлланиладиган дастурий-методик адабиѐтларни; 
е) дефектология фанининг энг янги ютуқларини; 
ж) санитария-гигиена талаблари, меҳнатни муҳофаза қилиш, техника ва ѐнғин 
хавфсизлиги қоидаларини. 
198. Малака талаблари: 
а) ўз йўналиши бўйича камида бакалавр даражасидаги олий педагогик маълумот; 
б) хорижий тиллардан бирининг бошланғич босқичини ва ахборот-коммуникация 
технологияларидан фойдаланишни билиши; 
в) беш йилдан кам бўлмаган педагогик иш стажи.