Халқ таълими ходимлари асосий лавозимларининг малака тавсифлари

25-§. Бош (катта) тренер лавозимининг 
малака тавсифлари 
Тартиб рақами 
408 
Машғулотларнинг миллий стандарт 
классификатори бўйича коди 
1229 
Ходимлар тоифаси 
Бошқарув 
82. Лавозим вазифалари: 
а) спорт мактабида терма жамоа таркибини шакллантириш, жамоанинг республика ва 
халқаро мусобақаларда қатнашиш учун тайѐрланиши таъминлаш; 
б) тасдиқланган режалар ва илмий-методик талабларга биноан ўқувчи-спортчиларни 
тайѐрлаш индивидуал режаларни шакллантириш;
в) жамоа тренерлари билан бирга жамоа аъзоларни мусобақаларга тайѐрлаш 
мажмуавий дастурлари ва жорий режаларни ишлаб чиқиш ҳамда уларнинг бажарилишини 
таъминлаш; 
г) тренерлар ва жамоанинг бошқа мутахассислари ишига раҳбарлик қилиш; 
д) санитария-гигиена талаблари, меҳнатни муҳофаза қилиш, техника ва ѐнғин 
хавфсизлиги қоидалари талабларига риоя қилиш. 

---

37 
83. Билиши лозим: 
а) жисмоний тарбия ва спортни ривожлантириш йўналишларини ва истиқболини 
белгиловчи ҳамда болалар ҳуқуқларига оид норматив-ҳуқуқий ҳужжатларни; 
б) мамлакатимиздаги жисмоний тарбия ва спортни ривожланиш йўналишларини ва 
истиқболини, юқори малакали ўқувчи-спортчиларни ва спорт резервларини тайѐрлаш 
методикалари соҳасидаги ютуқларини; 
в) ўқувчи-спортчиларни тайѐрлаш ва ўқитишнинг замонавий методикаларини; 
г) тарбиялаш, ўқитиш методларини, педагогика, психология, болалар физиологияси 
асосларини; 
д) санитария-гигиена талаблари, меҳнатни муҳофаза қилиш, техника ва ѐнғин 
хавфсизлиги қоидаларини. 
84. Малака талаблари: 
а) ўз йўналиши бўйича камида бакалавр даражасидаги олий маълумот; 
б) спорт бўйича тренерлар ѐки тренер-ўқитувчилар сифатида тренерлик фаолиятини 
амалга ошириш учун рухсатномага эга бўлиши; 
в) мутахассислик бўйича камида уч йиллик иш стажи.