Халқ таълими ходимлари асосий лавозимларининг малака тавсифлари

82-§. Республика болалар кутубхонаси, Ахборот-ресурс марказлари методисти лавозимининг малака тавсифлари

Тартиб рақами	1718
Машғулотларнинг миллий стандарт классификатори бўйича коди	2341
Ходимлар тоифаси	Мутахассис

244. Лавозим вазифалари:

а) йиллик, чораклик ва ойлик иш режаларини амалга ошириш, жойларда ахборот-кутубхона, библиографик хизмат кўрсатиш аҳволини таҳлил қилиш уни яхшилаш юзасидан таклифлар тайёрлаш;
б) илмий тадқиқот ишлари, жорий ва келгусидаги иш режалар ҳамда бошқа ҳужжатларни ишлаб чиқишда қатнашиш;
в) фойдаланувчиларнинг ахборот-кутубхона, библиография хизматларига эҳтиёжини аниқлаш;
г) кутубхона фаолиятини автоматлаштириш ва механизациялашга тааллуқли ишларда қатнашиш ва амалга оширилган ишларнинг натижаларини умумлаштириш, илғор иш тажрибасини муассаса фаолиятида жорий этишга кўмаклашиш;
д) кутубхона ходимлари ҳамда фойдаланувчилари учун семинарлар, илмий-амалий конференциялар, давра суҳбатларини ташкил қилиш;
е) ходимларнинг меҳнат қилиши ва малакасини ошириш учун шарт-шароитлар яратишда, уларни аттестациясини ташкил қилиш ҳамда меҳнат ва ишлаб чиқариш интизомига риоя қилинишини таъминлашда иштирок этиш;
ж) кутубхонанинг иш фаолиятида мавжуд бўлган камчиликлар ва уларни бартараф этиш чоралари ҳақида раҳбариятга таклифлар киритиш ҳамда унинг мулкига эҳтиёткорона муносабатда бўлиш;
з) ваколати доирасида жисмоний ва юридик шахсларнинг ёзма ва оғзаки мурожаатларини, ариза ва шикоятларини кўриб чиқиш;
и) санитария-гигиена талаблари, меҳнатни муҳофаза қилиш, техника ва ёнғин хавфсизлиги қоидалари талабларига риоя қилиш.
245. Билиши лозим:
а) давлатимизнинг таълим тизимига оид, кутубхона фаолиятини такомиллаштиришга тегишли норматив-ҳуқуқий ҳужжатларини;
б) давлат таълим стандартлари, мутахассислиги бўйича юртимизда ва жаҳон амалиётида бўлаётган янгиликларни;
в) ахборот-кутубхона назарияси ва амалиётини, методик ишларни ташкил этиш ва самарадорлигини ошириш усулларини;
г) давлатимиз ва хориж давлатлар илм-фанининг библиография ва ахборот соҳасидаги ютуқлари ҳамда ахборот-кутубхона жараёнлари технологиясини;
д) библиография ва ахборот-кутубхона соҳасидаги методик материалларни;
е) кутубхонанинг китоб фонди ва маълумот-библиографик аппаратини;
ж) санитария-гигиена талаблари, меҳнатни муҳофаза қилиш, техника ва ёнғин хавфсизлиги қоидаларини.
246. Малака талаблари:
а) ўз йўналиши бўйича камида бакалавр даражасидаги олий маълумот;
б) хорижий тиллардан бирининг бошланғич босқичини ва ахборот-коммуникация технологияларидан фойдаланишни билиши;
в) библиограф (кутубхоначи) лавозимида камида икки йиллик иш стажи.