Халқ таълими ходимлари асосий лавозимларининг малака тавсифлари

84-§. Республика болалар кутубхонаси, Ахборот-ресурс марказлари библиограф лавозимининг малака тавсифлари

Тартиб рақами	106
Машғулотларнинг миллий стандарт классификатори бўйича коди	2432
Ходимлар тоифаси	Мутахассис

250. Лавозим вазифалари:
а) кутубхона ишига оид истиқболли ва жорий режаларни ишлаб чиқишда ва уларни амалга ошириш жараёнларида бевосита иштирок этиш ҳамда уларнинг сифат даражасини ошириш;
б) ахборот ва библиография соҳасига оид дастурлар ва бошқа ҳужжатларни ишлаб чиқишда иштирок этиш;
в) кутубхонанинг маълумот-библиографик аппаратини барпо этиш ва юритишда, библиографик маълумотларни тайёрлашда қатнашиш;
г) фойдаланувчиларга янги асарлардан индивидуал ва жамоавий тарзда хабардор этиш ҳамда библиографик маълумот ва ахборотлар етказиб бериш;
д) библиографик материаллар ва қўлланмалар тайёрлашда, ахборот-кутубхонага тааллуқли технологияларни ишлаб чиқишда ва уларни амалга ошириш жараёнларида китоб тарихи соҳасидаги илмий тадқиқотларда иштирок этиш;
е) бошқа ахборот-кутубхоналар ҳамда илмий-техникавий ахборот органлари билан библиографик фаолиятни амалга ошириш;
ж) ўта мураккаб библиографик маълумотларнинг босма ва электрон шаклларини тайёрлаш, улар юзасидан маслаҳатлар бериш ҳамда тарғиб қилиш;
з) кутубхонанинг анъанавий ва электрон ташувчилардаги маълумотлар-библиографик аппарати (каталоглар, картотекалар, адабиётларнинг тавсиявий руйхати, ахборот материаллари)ни юритиш;
и) давлатимиз ва хориж давлатлар ахборот-кутубхоналарининг ишни ташкил этиш бўйича илғор тажрибаларини ўрганиш ва уларни кутубхонага жорий этиш бўйича раҳбариятга таклифлар киритиш;
к) санитария-гигиена талабларига, меҳнатни муҳофаза қилиш, техника ва ёнғин хавфсизлиги қоидаларига риоя қилишни таъминлаш.
251. Билиши лозим:
а) давлатимизнинг халқ таълими тизимига оид ва болалар ҳуқуқларини тартибга солувчи ҳамда ахборот-кутубхона фаолиятини такомиллаштиришга тегишли амалдаги норматив-ҳуқуқий ҳужжатларини;
б) давлат таълим стандартлари, мутахассислиги бўйича юртимизда ва жаҳон амалиётида бўлаётган янгиликларни;
в) ахборот-кутубхона назарияси ва амалиётини, методик ишларни ташкил этиш ва самарадорлигини ошириш усулларини;
г) давлатимиз ва хориж давлатлар илм-фанининг библиография ва ахборот соҳасидаги ютуқлари ҳамда ахборот-кутубхона жараёнлари технологиясини;
д) библиография ва информатика соҳасидаги методик материалларни;
е) санитария-гигиена талаблари, меҳнатни муҳофаза қилиш, техника ва ёнғин хавфсизлиги қоидаларини.
252. Малака талаблари:
а) ўз йўналиши бўйича камида бакалавр даражасидаги олий маълумот;
б) хорижий тиллардан бирининг бошланғич босқичини ва ахборот-коммуникация технологияларидан фойдаланишни билиши;
в) кутубхоначи лавозимида камида икки йиллик иш стажи.