Хайдарова дилрабо рахимжоновна

Қон плазмасида аминотранферазаларни аниқлаш
Жигарнинг функционал фаоллиги ҳолатида фермент тизимларининг, айниқса аминотранферазалар (АЛТ, АСТ) фаоллиги кўрсаткичлари қиймати ўзгариш динамикаси муҳим аҳамиятга эга [Zhang et al 2017]. Иккита фермент- АЛТ ва АЛТ лар фаоллигини аниқлаш муҳим ахамиятига эга, чунки бу ферментлар турли аьзо ва тўқималарда ҳар-хил фаоллиги билан фарқланади. Назорат гуруҳи, токсик гепатит модели ва фармакотерапия қилинган токсик гепатит гуруҳи каламушларининг қон зардоби таркибида АЛТ ва АСТ фаоллигини аниқлаш қуйидаги муаллифлар ишларида тавсифланган услуб ёрдамида амалга оширилди [Reitman, Frankel 1957].
Олинган натижаларни статистик таҳлили. Олинган натижаларни статистик қайта ишлаш ва расмларни чизиш OriginPro 7.5 (Microsoft, USA) компьютер дастури ёрдамида амалга оширилди. Тажрибаларда митохондриянинг бўкиш кинетикаси максималга нисбатан фоиз ҳисобида, 5 та турли тажрибаларнинг ўртача арифметик қийматини ҳисоблаш тарзида амалга оширилди. Назорат, тажриба ва тажриба+тадқиқот моддасидан олинган қийматлар ўртасидаги фарқ t-тест бўйича ҳисоблаб чиқилди. Бунда Р<0,05; ва Р<0,01 қийматлар статистик ишончлиликни ифодалайди


III. 4. Вирусли гепатит Б, гипертония касаллигини даволашда қўлланиладиган озиқ-овқат қўшилмаларини тайёрлаш
“Асихон” озиқ-овқат қўшилмасини тайёрлаш. “Асдаво” озиқ овқат қўшилмасини тайёрлаш учун phlomoides nuda ўсимлигининг ер устки қисми, Кўкамарон ўсимлигини ер устки қисмлари терилиб салқин жойда қуритилади. Қуритилгандан сўнг майдалагичда майдалаб аралаштирилади. “Кўкамарон” озиқ-овқат қўшилмасини олиш. “Кўкамарон” озиқ-овқат қўшилмасини тайёрлашда Кўкамарон ўсимлигини ер устки қисмлари гуллаган вақтда терилиб, тозаланиб салқин жойда қуритилади. Қуритилгандан сўнг майдалагичда майдалаб аралаштирилади.. Ҳосил бўлган аралашмалар пакетларга қадоқланади.
III. 4 “Асихон” таркибидаги айрим бирикмаларнинг таркиби ва тузилишини аниқлаш. Асихон таркибидан ажратиб олинган апигенин, пинитол, лютеонин, экдицитроннинг таркиби ва тузилишини аниқлаш Ўзбекистон Республикаси божхона қўмитаси, марказий божхона лабораториясида ИҚ спектроскопия ва масс-спектрометрия усулларидан фойдаланган ҳолда олиб борилди. Мазкур бирикмаларнинг ИҚ спектрлари Германияда ишлаб чиқарилган “Perkin Elmer Spectrum Two”русумли спектрометрда 400-4000 см-1 114 диапазонида, “Agilent” русумли спектрометрда 650-4000 см-1 диапазонида Фурье қайта ишлаш методида бажарилди. Масс-спектрометрик тадқиқотлар “Perkin Elmer фирмасининг AxION 2 TOF” русумли масс-спектрометрида азот молекуляр ионлари ёрдамида ионлантирилиб амалга оширилди.