Хабар манзилгача етказилганми?

Канал даражаси (Link layer) маълумотлар пакетлари физик даража орқали, шу жумладан кодлаш (яъни маълумотлар пакетининг боши ва охирини белгилайдиган махсус бит кетма-кетликлари) билан қандай узатилишини тавсифлайди. Масалан, Ethernet тармоқ пакети сарлавҳалари майдонларида бу пакет тармоқдаги қайси машинага ёки машиналарга мўлжалланганлигини кўрсатишга эга.
Бундан ташқари, канал даражаи маълумотларни узатиш муҳитини (коаксиал кабель, ўралган жуфтлик, оптик толали ёки радиоканал бўлсин), бундай муҳитнинг физик характеристикалари ва маълумотларни узатиш принципларини (канални ажратиш, модуляциялаш, сигнал амплитудаси, сигналлар частотаси, узатишни синхронлаштириш усули, жавобни кутиш вақти ва максимал масофани) тавсифлайди.
2. ВИДЕОСИГНАЛЛАРИНИ ПАКЕТЛИ УЗАТИШ ПРИНЦИПИ

Бош IP-TV қурилмаси оқимли видео (streaming video) узатади ва абонентлар қурилмалари эса қабул қилади. Бу атама видеони сиқиш, қисқартириш ва буферлаштириш технологияларини белгилайди, у видеосигналларни пакетлар коммутацияланадиган тармоқ орқали реал вақтда узатишга имкон беради. Оқимли видеонинг асосий ўзига хос хусусияти шундаки, уни узатишда фойдаланувчи уни кўриш учун файлни тўлиқ юклаб олишини кутиши шарт эмас. Оқимли видео IP-пакетлар кетма-кетлиги сифатида узлуксиз оқимда узатилади ва у абонент қурилмасига узатилганда ижро этилади.

Айрим провайдерлар маълум каналларни фақат идентификацион карта ёки пин-код ёрдамида телевизор орқали кўриш мумкин бўлиши учун оқимларни шифрлашдан фойдаланади, шунинг учун плеер бундай оқимни ижро эта олмайди. Агар провайдер хизматни фақат телевизор мосламаси билан бирга сотса ва каналларни шифрласа, у ҳолда плеер ҳам фойдасиз бўлади.
IPTV бош станциясинингг асосий вазифаси видеоконтентни шакллантириш ва кейинчалик видео- маълумотлар чиқиш оқимини Video over IP форматида (IP протоколи бўйича видео) трансляция қилиш ҳисобланади. Бош станцияда инкапсуляциялаш функциясини унинг IP- инкапсулятор ёки IP-стриммер дейиладиган таркибий қисми бажаради.