Хабар манзилгача етказилганми?

Транспорт даражаси (Transport layer) протоколлари хабарларни кафолатланмаган етказиш (“хабар манзилгача етказилганми?”) муаммосини ечиши, шунингдек маълумотларнинг тўғри келиш кетма-кетлигини кафолатлаши мумкин. TCP/IP стекида транспорт протоколлари бу маълумотлар айнан қайси илова учун мўлжалланганлигини аниқлайди.
Бу даражада мантиқан берилган автоматик маршрутлаштириш протоколлари (чунки улар IP устидн ишлайди) аслида тармоқ даражаси протоколларининг бир қисми ҳисобланади; масалан OSPF (IP идентификатор 89).
ТCP иловага олинадиган маълумотларнинг хатоликсизлигига ишонч ҳосил қилишни берадиган, йўқотилганда қайта сўрайдиган ва маълумотларни такрорланишини олдини оладиган, ишончли “кафолатланган” транспорт механизми ҳисобланади. TCP тармоққа юкламани ростлаш, шунингдек катта масофаларга узатишда маълумотларнинг кечикишини камайтиришга имкон беради. Бундан ташқари, TCP олинган маълумотларни айнан ўша кетма-кетликда узатилишини кафолатлайди. Бу унинг UDP протоколидан асосий фарқи ҳисобланади.
UDP боғланиш ўрнатилмасдан датаграмммаларни узатиш протоколи ҳисобланади. Шунингдек, унга хабарни манзилга етказилишига ишонч ҳосил қилишнинг мумкин эмаслиги, шунингдек пакетларни бўлиши мумкин аралаштирилиши маъносида, у “ишончсиз” узатиш протоколи деб ҳам аталади. Маълумотларнинг кафолатланган узатилишини талаб қиладиган иоваларда TCP протоколи қўлланилади.
UDP протоколи одатда пакетларнинг йўқотилишига йўл қўйиладиган ва қайта сўров қийин бўладиган ёки ўзини оқламайдиган видеооқим ва компьютер ўйинлари каби иловаларда ёки боғланишни ўрнатиш такроран узатишга қараганда кўп ресурсларни эгаллайдиган сўров-жавоб (масалан, DNSга сўровлар) иловаларида ишлатилади.
Ҳам TCP, ҳам UDP юқори даража протоколини аниқлаш учун порт дейиладиган сондан фойдаланади.
Тармоқ даражаси (Internet layer) дастлаб маълумотларни битта тармоқдан (нимтармоқдан) бошқа тармоққа узатиш учун ишлаб чиқилган. Глобал тармоқ концепциясини рвожланиши билан даражага пастки даража протоколларидан қатъи назар, исталган тармоқдан исталган тармоққа узатиш бўйича қўшимча имкониятлар, шунингдек, масалан, ICMP протоколида (IP-боғланишнинг диагностик маълумотларини узатиш учун ишлатилади) ва IGMP (multicast-оқимларини бошқариш учун ишлатилади) олисдаги томондан маълумотларни сўраш имконияти киритилди
ICMP ва IGMP протоколлари IP протоколининг устидан жойлашган ва кейинги - транспорт даражасига тушиши керак эди, аммо функционал жиҳатдан улар тармоқ даражаси протоколлари ҳисобланади ва шунинг учун уларни OSI моделига киритиш мумкин эмас.
IP тармоқ протоколи пакетлари пакетдан маълумотларни олиш учун қайси кейинги даража протоколидан фойдаланилишини кўрсатадиган кодга эга бўлиши мумкин. Бу сон протоколнинг ноёб IP-рақами ҳисобланади. ICMP ва IGMP протоколлари мос равишда 1 ва 2 рақамларига эга.