H XIX asr oxiri va XX asr boshlarida Lotin Amerikasi davlatlari

Meksika inqilobi XX asr boshlarida Meksikada qudratli dehqonlar harakati boshlandi. Buning sababi-dehqonlarning yersizligi edi. Dehqonlari harakati inqilobiga aylandi. Bu inqilobi (1910-1917) Meksika tarixiga “burjua inqilobi” nomi bilan kirgan. Mamlakat janubidagi dehqonlar harakatining rahbari Emilino Sapata 1911-yilda o’z agrar dasturini e’lon qildi. Bu dastur hindulardan tortib olingan yerlarni ularga qaytarib berish, qolgan barcha yerlarni musodara qilish va ularni yersiz dehqonlarga bo’lib berish kabi talablardan iborat edi. Mamlakat shimolidagi dehqonlarharakati rahbari Fransisko Vilya bayrog’iga ,,Yer va ozodlik‘‘shiori yozilgan edi. E.Sapata va F.Vilya qurolli kuchlari 1914-yilda mamlakat poytaxti Mexiko shahrini egalladi. Lekin ko’p o’tmay, hukumat qo’shinini ularni chekinishga majbur etdi. 1917-yilga kelibgina dehqonlar qo’zg’oloni bostirildi. E.Sapata va F.Vilyalar turli yillarda yollangan qotillar tomonidan o’ldirildi.

Dehqonlar qo’zg’oloni yengilgan bo’lsa-da izsiz ketmadi. Hukumat agrar masalani qisman bo’lsa-da hal etdi.Chunonchi, latifunistlar tomonidan noqonuniy bosib olingan yerlar dehqonlarga qaytarildi. 1917-yilda demoqratik ruhdagi konstitutsiya qabul qilindi.