H XIX asr oxiri va XX asr boshlarida Lotin Amerikasi davlatlari

1910-yilgi prezidentlik

saylovi 1910-yil iyulda Meksikada prezidentlik saylovi o’tkazildi. Diktatur Diasni prezidentlikka qayta saylashga qarshi turgan ko’pchilik muholifat yetakchisi Madero atrofida birlashdi .

Prezidentlikka saylovda Madero o’z nomzodini qo’ydi . Saylov oqibatlaridan Dias Maderoni turmaga tashlatdi .Saylovlar tinch o’tib , odatdagidek , Dias yana g’alaba qozondi . Oradan ancha vaqt o’tgach , turmadan bo’shatilgan , Madero saylovlarning soxtaligini oshkor qilib , o’zini esa qonuniy prezident deb atadi . Diktatura davrida hindulardan g’ayriqonuniy tortib olingan yerlarini qaytarib berishga , pomeshiklarga qarashli yerlarning bir qismini haq to’lash evaziga dehqonlarga berishga va’da berdi . Xalqni qo’zg’olonga chaqirdi. 1911- yilda ko’tarilgan xaiq qo’zg’olonidan qo’rqib ketgan Dias Meksikadan qochishga majbur bo’ldi .

Madero esa poytaxtga kirib keldi va prezidentlik lavozimini egalladi . Biroq , meksikadagi og’ir ichki vaziyat tufayli u biror jiddiy o’zgarishlar qila olmadi . Shunday bo’lsa-da , ish kunini 10 soatgacha cheklab qo’ydi va ishlab chiqarishda jarima tizimini bekor qildi . Chet el kapitalini cheklashga va milliy iqtisodini himoya qilishga intildi .