Х. И. Ирсалиев ортопедик стоматология

Ўзбекистонда ортопедик стоматология тараққиёти тарихи 
Ортопедик стоматология кафедраси 1956 йилда ташкил этилди. 
Кафедрани ташкил этиш, мутахассисларни ва илмий ходимларни тайёрлаш 
учун, шу йили тиббиёт фанлари номзодлари Т.Т. Сухарев ҳамда 
Д.Э.Колонтаров таклиф этдилар. Кафедра мудирлигига Масквадан тиббиёт 
фанлари номзоди А.Т. Бусыгин таклиф этилган эди. Янги ташкил этилган 
кафедра ходимларини хизматлари орқали, кафедра ва поликлиникани керакли 
анжом ва жиҳозлар билан, ўқув қўлланмалари билан таъминлаш каби, ҳамда 
ўқитувчилар, ординаторлар ва тиш техникларини танлаб олиш каби кенг 
кўламда ишлар ўтказилди. 
Кафедра ходимлари таркиби учун ассистентлик вазифасига 1957 йилда 
М.М. Мирякубов, 1959 йилда В.И. Шилов, А.И. Козырева, 1960 йилда К.С. 
Маликов, 1962 йилда К.В. Рутковский, Р.Р. Керрер, Р.И. Колодзинскийлар 
ишга қабул этилдилар. 
Кафедра ташкил этилган даврдан бери бир қанча йўналишдарда катта 
ишлар олиб борилди: кўплаб ўқитувчилар тайёрланди, илмий режалар амалга 
оширилди. Ўқув қўлланмалари ишлаб чиқилди, ўқув ва кўргазмали 
қўлланмалар яратилди, илмий изланиш ишлари ҳамда тиш техникларини 
назарий ва Амалий жиҳатдан ўқитиш ишлари олиб борилди. 
1966 йилгача профессор А.Т. Бусыгин, 1974 йилгача доцент М.М. 
Мирякубов раҳбарлиги остида кафедра ўз олдига қўйган масалаларни 
муваффақият билан ҳал қилиб келди. 

---

7 
1974 йилдан 2002 йилгача кафедрага профессор С.А. Зуфаров раҳбар 
бўлди. Бу даврда кафедранинг илмий ва даволаш потенциали ошди. Кичик бир 
жамоадан у замонавий жиҳоз-анжом ва аппаратураларга, юқори малакали 
ходимларга эга бўлган, жумҳуриятимизнинг ўқув-услубий, илмий-даволаш 
марказига айланди. 
Кафедра 1987-1988 йилда иккита алоҳида мустақил кафедраларга 
ажралди. 1-сонли ортопедик стоматология кафедрасига проф. С.А. Зуфаров, 
иккинчи кафедрага эса проф. М.В. Бекметов раҳбарлик қила бошладилар.
Иккала кафедра ва поликлиника ходимлари нафақат Тошкент шаҳри, 
балки Республикамиз аҳолисига юқори малакада консультатив ҳамда 
стоматологик даво хизматини кўрсатиб келдилар. 
2002 йилдан бошлаб кафедрага профессор Х.И. Ирсалиев раҳбарлик 
қила бошлади. Шу даврдан бошлаб ортопедик стоматология, фундаменталь 
фанлар билан уйғунлаша бошлади. Кафедра ходимларини, академик 
В.В.Вахидов номидаги хирургик марказ, иммунология институти, ТашМИ 
микробиология кафедралари билан олиб борган илмий ишлар ўз самарасини 
бера бошлади. 
Прфессор Х.И. Ирсалиевнинг бевосита раҳбарлиги остида кафедра 
ходимлари “Инсон организмига ортопедик ва ортодонтик стоматологик 
аралушувларнинг таъсири» илмий муаммосини ечиш устида иш олиб 
бормоқдалар. Ушбу йўналиш бўйича 2та докторлик ва 7та номзодлик 
диссертациялари ҳимоя қилишди, 2та монография чоп этилди. 
2005 йилда Тошкент Тиббиёт Академияси ташкил этилиши муносабати 
билан, факультатив ортопедик стоматология, ортодонтия ва госпитал 
ортопедик стоматология кафедралари, ягона ортопедик стоматология ва 
ортодонтия кафедрасига бирлаштирилди. Конкурс асосида кафедра 
мудирлигига тиббиёт фанлари доктори, профессор Х.И. Ирсалиев сайланди.
Кафедра ва поликлиника ходимларининг Тошкент шаҳри ва шу билан 
бирга Республикамиз аҳолисига юқори малакали консультатив – даволаш 
хизмати кенгаймоқда. Агар 1956 йилда беморларни қатнов сони 4 мингни 
ташкил этган бўлса, ҳозирги даврга келиб бу кўрсаткич 1500 дан ошиб кетди.