H. A. Jamolxonov hozirgi o‘zbek adabiy tili

a) tavsifiy fonetika. Bunda ayrim olingan bir tilning fonetik tizimi, undagi fonetik hodisalar va faktlar statik holatda (shu tilning oldingi tarixiy taraqqiyoti bilan bog’lanmay) o’rganiladi. Xususan, "Hozirgi o’zbek adabiy tili fonetikasi" ham aslida tavsifiy fonetikadir, chunki unda o’zbek tilining fonetik tizimi, bu tizimda mavjud bo’lgan fonetik faktlar (unli va undosh tovushlarning miqdor va sifat belgilari, tasnifi, urg’u, bo’g’in va hokazolar) hozirgi o’zbek tilida qanday bo’lsa, shundayligicha (tarixiy jarayon va faktlarga bog’lanmay) o’rganiladi.
Hozirgi o’zbek adabiy tilining tavsifiy fonetikasi "Hozirgi o’zbek adabiy tili" kursi bo’yicha nashr etilgan ko’pchilik darsliklarda, shuningdek, "Узбекский язык" (Reshetov V.V., 1959-y.), "Основый фонетики и грамматики узбекского языка" (Reshetov V.V, 1965-y.), "Общaя xaрaктеристика особенностей узбекского вокализма" (Reshetov V. V., 1949-y.), "Фонетическая система узбекского литературного языка" ADD(A. Mahmudov, 1980-y.), "Hozirgi o’zbek adabiy tili"dan metodik ko’rsatmalar va konspektiv kurs: fonetika, orfoepiya, grafika va orfografiya (Tursunova T., Jamolxonov H., 1981-y.), "O’zbek tili fonetikasi" (Mirtojiyev M.M., 1991-y., 1-nashri; 1998-y.,2-nashri), «O’zbek tili»(S.Otamirzayeva, M.Yusupova, 2002-y.),"Hozirgi o’zbek adabiy tili". O’quv qo’llanmasi, 1-qism. (Jamolxonov H.,2004-y.) kabi ishlarda hamda "Сочетание гласных и согласных в современном узбекском литературном языке" (A.Ishayev.,1985),"Редукция гласных в узбекском языке:типи, функция, программирование" (S.Atamirzayeva, X. Yuldasheva, Dj. Mamatov, 1985) kabi maqolalarda bayon etilgan;