Guruh talabasi Abdullayev Akmaljon Laboratoriya ishi № Mavzu: Electronics Workbench dasturida sxemalar qurish. Laboratoriya ishining maqsadi

611-19 guruh talabasi Abdullayev Akmaljon
Laboratoriya ishi № 1.
Mavzu:Electronics Workbench dasturida sxemalar qurish.


Laboratoriya ishining maqsadi. Electronics WorkBench virtual dasturi bilan tanishish. Virtual dastur interfeysini o’rganish.


Nazariy ma’lumotlar


Electronics Workbench dasturiy kompleksining qisqacha tavsifi
Zamonaviy elektron va raqamli qurilmalarni loyihalash va ishlab chiqish katta aniqlik va chuqur tahlilni talab qiladi. Bundan tashqari, bajariladigan ishlarning katta hajmga egaligi va murakkabliligi sababli kompyuter texnologiyalaridan foydalaniladi.
Electronics Workbench dasturiy kompleksi elektr zanjirlarni dasturiy loyihalash va imitatsiya qilish vositalaridan biri bo’lib hisoblanadi. U elektr zanjirlarni va elektron qurilmalarni loyihalovchi korxonalarda va oliy o’quv yurtlarida qo’llanilishi mumkin.
Electronics Workbench bilan ishlash kompyuter texnikasi bo’yicha chuqur bilimlarni talab qilmaydi. Dasturning interfeysini bir necha soat davomida o’zlashtirib olish mumkin.


Electronics Workbench dasturining interfeysi
Electronics Workbench (EWB) dasturi real vaqt masshtabida ishlovchi, o’lchash asboblari bilan jihozlangan tadqiqotchining real ish joyi-radioelektron laboratoriyani imitatsiya qiladi. Dastur yordamida har qanday murakkablikdagi analog va raqamli radioelektron qurilmalarni tuzish, modellash va tadqiq qilish mumkin.
Foydalanuvchining interfeysi menyu, asboblar paneli va ishchi sohadan iborat (1.1-rasm).
Menyu quyidagi komponentlarga ega: fayllar bilan ishlash menyusi (File), tahrirlash menyusi (Edit), zanjirlar bilan ishlash menyusi (Circut), sxemalarni tahlil qilish menyusi (Analysis), oynalar bilan ishlash menyusi (Window), yordam fayllari bilan ishlash menyusi (Help).
Asboblar panelida radioelektron sxemalar elementlarining tasvirlari bo’lgan knopkalar mavjud (1.2-rasm). Knopkalar bosilganda ularga mos bo’limlar ochiladi.

1.1-rasm. Electronics Workbench kompleksining interfeysi va asboblar paneli