Guliston davlat universiteti y. Tojiyev, M. Latipov «til tarixi»

Boshqaruv. Tobe so’z ma’lum grammatik vosita kelishik formalari yoki ko’makchilar orqali bosh so’zga birikadi.
1) qadimgi turkiy tilda bosh kelishikdan tashqari tushum, jo’nalish, o’rin-chiqish, vosita kelishiklari bo’lib, tobe so’z ma’lum bir kelishik affikslari yordami bilan bosh so’zga bog’lanadi:
a) tushum kelishigi (-g’(-ig, -їg’), -ig, -ug’, (-üg, -їn), -in, -n) vositasida: Bodunїg’ qop almїs (Kt).
b) jo’nalish kelishigi (–qa (-kә, -g’aru), -gәrü, -a, -ә) vositasida: On tünkә... bardїmїz (To’n.).
v) o’rin-chiqish kelishigi (-da//-dә//-tә) vositasida: Tabg’achda adrїltї (To’n.).
g) vosita kelishigi (—n, -їn, (-in, -un), -ün) vositasida: Yüz artїq oqun urtї (Kt) - Yuzdan ortiq o’q bilan urdi.
2) Ot yoki ot ma’nosidagi so’zlar ko’makchilar bilan birikib, hokim so’zga bog’lanadi. Qadimgi turkiy tilda quyidagi ko’makchilar qo’llanadi: birlә, asha. Kul tәgin birlә… (Kt). Ba’zi o’rinlarda ma’lum kelishik formasini olgan ot yoki olmosh ko’makchiga bog’lanib, u bilan birga hokim so’zga birikadi: Tәmir qapїg’qa tәgi (To’n).
Misollardan ko’rinadiki, boshqariluvchi tobe so’z ot yoki otlashgan so’z bo’lib, u ma’lum kelishik formasini oladi yoki ko’makchi bilan birikadi. Boshqaruvchi so’z esa fe’l yoki harakat bildiruvchi so’zlar bo’ladi. Ammo ba’zan boshqaruvchi so’z sifat, ravish, ko’makchi yoki shu vazifadagi so’z bo’lishi ham mumkin. Chәchәk üz tөlü boltї ( Oyo).
Moslashuv. Qadimgi turkiy tilda moslashuv ikki otning qaratqich kelishigi yordamida birikuvidan hosil bo’lgan. Hozirgi o’zbek tilida bo’lgani kabi qadimgi turkiy tilda ham qaratqich belgili va belgisiz shaklda qo’llangan. Masalan: belgili - Әlәtmish yabg’u og’lї (Ung); belgisiz - mәniң bodunum әrti (Bx).


SODDA GAP
Qadimgi turkiy tilda, hozirgi zamon turkiy tillaridagidek, sodda gaplar fe’l kesimli yoki ot kesimli bo’ladi.³⁰
Fe’l kesimli gaplarning kesimi aniqlik fe’li yoki fe’lning turli funktsional shakllari bilan ifodalanadi: qop bilirsiz — ko’p bilasiz. Kütә tururlar — kutib turadilar. Yangїltїg’ - engilding. Igiding, әmәgәmәng, tolg’atmang - tarbiya qiling, qiynamang, hayajonlantirmang.
Ot kesimli gaplarning kesimi ot, sifat, son, olmosh, ravish bilan ifodalanadi. Kesimlik ko’rsatkichi vazifasida bog’lamalar (-man, -san, -di, ol, bol, tur, әr kabilar) qo’llanadi. Ammo bu belgilar bo’lmasligi ham mumkin. Bunda kesim gapning mazmunidan, intonatsiyasidan, o’rnidan bilinib turadi. Türük bodun yәmә bulg’anch (ol, tәmish) og’їz yәmә tarqanch ol, - tәmish. - Turk xalqi ham tinch emas, o’g’iz ham tarqoq bo’l, - debdi. Ozum tardush üzә shad әrtim - o’zim tardush eli ustidan shod edim. Qarluq bodun . . . yag’ї boltї — qarluq xalqi dushman bo’ldi.