Guliston davlat universiteti xidiraliev k. E. Aholi geografiyasi va demografiya asoslari

Demografik statistika – demografiyaning tarixiy tarmog’i bo’lib, aholi takror barpo bo’lishining tarixiy qonuniyatlarini o’rganadi. Statistik demografiyaning vazifalari aholining takror barpo bo’lishiga oid materiallarni to’plash va dastlabki qayta ishlash, demografik jarayonlarni statistik tahlil etish va kuzatish metodlarini ishlab chiqishdan iborat.
Demografik jarayonlar-tug’ilish, o’lim, nikoh, ajralash va hokazolar.
Din-xudoga, farishtalarga, xudo nomidan yuborilgan payg’ambarlarga va muqaddas hisoblangan kitoblarga ishonishdir.
Demografiya-aholining takror barpo bo’lish qonuniyatlarini o’rganuvchi fan hisoblanadi.
“Demografiya”-atamasi yunoncha so’zdan olingan bo’lib, demos-xalq va grapho-yozaman, ya’ni xalqni yozaman ma’nosini anglatadi. Demografiya fan sifatida 17 asrning yarmidan so’ng shakllana boshladi.
Davlat tili – muayyan davlatning barcha siyosiy, ijtimoiy va iqtisodiy munosabatlari uchun qabul qilgan rasmiy tili.
Diniy tarkib – aholi o’rtasida kishilarning diniy e’tiqodga mansubligini ifodalovchi miqdor.
Jahon tillari–Dunyo xalqlari tomonidan siyosiy, ijtimoiy va iqtisodiy munosabatlarda keng ishlatiladigan tillar.
Jahon dinlari–Er yuzida geografik jihatdan keng tarqalgan va ko’pchilik aholi e’tiqod qiluvchi dinlar.
Irq-bu odamlarning kelib chiqishi, govda tuzilishi va qiyofasi o’xshash bo’lgan tarixan tarkib topgan hududiy birligidir.
Iqtisodiy demografiya – aholi takror barpo bo’lishining iqtisodiy omillarini tadqiq etadi. Iqtisodiy omillar deganda, jamiyat hayotining barcha iqtisodiy shart-sharoitlari hamda ularning tug’ilish, o’lim, nikohlanish darajasiga, aholining o’sish darajasiga ta’siri tushuniladi.
Iqtisodiy aktiv aholi-deganda mehnatga yaroqli aholining ijtimoiy ishlab chiqarishda ishtirok etayotgan, o’z mehnati tufayli daromad oladigan qismi va ishlashni xohlaydigan, ammo ish yo’qligidan vaqtincha ishlamayotgan qismi tushuniladi.