Гулистон давлат университети

«Паст баҳолар» ёки «бозорга ёриб кириш» стратегиясида маҳсулотга дастлаб паст баҳо ўрнатилади ва талабни рағбатлантирилади. Рақиблар бозордан сиқиб чиқарилади ва асосий улуш эгалланади, секин аста маҳсулот баҳоси ошириб борилади. Бу стратегияни қўллаш қуйидаги шароитларда мақсадга мувофиқ: бозор баҳо ўзгаришига жуда сезгир ва паст баҳолар унинг кенгайишига ёрдам беради; харажатларнинг ўсиб бориши билан ишлаб чиқариш ва сотиш хажми қисқариб боради; рақобатчилар учун паст баҳолар қизиқарли эмас.
Юқоридаги иккита стратегия ҳам узоқ муддатли истиқболга эга эмас. Товарни етуклик босқичида иккита бошқа стратегия қўлланилади.
Ўзгарувчан пасаювчи баҳо стратегияси «қаймоғини олиш» стратегиясининг мантиқий давоми бўлиб, худди шундай шароитларда самарали ҳисобланади. Уни корхона рақобатдан кучли ҳимояланган ҳолатларда қўллаш мумкин. Мазмуни шундан иборатки, баҳо талаб эгри чизиғи бўйлаб ҳаракатланади, яъни товарга бўлган талаб ва таклифга кўра ўзгаради. Талабни рағбатлантириш ва корхонани рақобатдан ҳимоя қилиш учун янги товарлар бўйича изланишлар олиб бориш лозим.
Устувор баҳо стратегияси паст баҳолар стратегиясининг ёки кучли ёриб кириш стратегиясининг давоми ҳисобланади. Ушбу стратегия корхона фаолияти соҳасига рақобатчиларнинг кириб келиши хавфи бўлганда қўлланилади. Унинг моҳияти рақобатчиларга нисбатан харажатлар ёки сифат бўйича устунликка эришишдадир.
Маҳсулот ҳаётийлик даврининг пасайиши босқичида учта махсус стратегия қўлланилади.
Биринчиси маҳсулот баҳосини энг қуйи даражасига пасайтиришга асосланади.
Иккинчиси ҳам биринчи стратегияга ўхшайди, лекин маҳсулотни бошқа маҳсулот билан сиқиб чиқариш даврининг давомийлиги ва даражасига боғлиқ равишда секинроқ кечади.
Учинчи стратегия товарни бозорда силжитиш бўйича сарфларни ошириш орқали унинг ҳаётийлик даврини узайтиришга йўналтирилган.
Баҳони шакллантириш усулини танлаш.
Бизнес-режада корхона баҳони белгилашда фойдаланадиган усулларни кўрсатиш лозим. Баҳони шакллантиришнинг энг кўп қўлланиладиган усулларни кўриб чиқамиз:

• 
  ўртача харажатлар қўшув фойда;
  
• 
  зарарсизлик ва мақсадли фойда;
  
• 
  товарнинг қиммати бўйича тутган ўрнига йўналтирилган;
  
• 
  рақобатга йўналтирилган.