Guliston davlat universiteti pedagogika va psixologiya kafedrasi

Mavzuga oid tayanch tushuncha va iboralar:
Bilim, baho, baholash, bilimlarni joriy tekshirish, bilimlarni oraliq tekshirish, bilimlarni yakuniy baholash, baholash shakllari.
Mavzuga oid muammolar:
O’quvchilar bilim, ko’nikma va malakalari tekshirilib, baholanib boriladi. O’quvchi fanni, mavzuni, qanday o’zlashtirganini, yutuq va kamchiliklarini bilib boradi. Baho (obyektiv) haqqoniy qo’yilgandagina ta’lim-tarbiyaviy ahamiyatga ega bo’ladi.
O’qituvchining har qanday qo’ygan bahosini haqqoniy deb hisoblaysizmi? Agar nohaqlik bo’lsa, u qanday ko’rinishlarda zohir bo’ladi?
An’anaviy ta’lim tizimida o’quvchilarning bilimi 5 ballik baho me’orlari bilan o’lchangan. Hozirgi paytda reyting ballari joriy etildi. Qaysi biri o’quvchilar bilimini aniqlik va haqqoniylik asosida baholay oladi? Ikki xil baholashning yutuq va kamchiliklarini izohlang.
O’qituvchi bir o’quvchining bahosini asossiz tarzda yuqori ko’tarar, boshqa bir o’quvchining bahosini pasaytirar edi. Siz bu adolatsizlikka qanday qaraysiz? O’qituvchidan to’g’ri baho qo’yishni talab qilgan bo’lar edingizmi? Agar talab qilsangiz qanday shaklda bajarasiz.