Guliston davlat universiteti matematika kafedrasi «tasdiqlandi»

2) «Zinama-zina» usuli. Talabalar mavzu boʻyicha yakka tarzda fikrini grafik ifoda etishadi, keyin guruhda muhokama etishadi. Guruhlar taqdimoti oʻtkaziladi va grafik materiallar doskaga mantiqiy pogʻonalar tarzida ilib boriladi.
3) “Charxpalak” usuli. Kichik guruhlar oʻz tarqatma materiallaridagi vazifani bajarib, charxpalak aylanishi boʻylab bir-biriga uzatishadi, har bir guruh boshqalarning ishiga tuzatish kiritadi va oxirida oʻzlariga qaytib keladi. Guruhlar oʻz ishini tuzatishlar bilan takomillashtirgan holda taqdimot qilishadi.
4) «Bumerang» usuli. Talaba bajargan ishini avval oʻz kichik guruhida, keyin boshqa kichik guruhda muhokama qiladi, soʻng yana oʻz guruhiga qaytib kelib umumlashtiradi. Oxirida guruhlar taqdimoti oʻtkaziladi.
5) «Rezyume» usuli. Kichik guruhlarda muammolar oʻrganilib, tahlil qilinadi va xulosa yozma ifoda etiladi. Taqdimotda xulosa koʻrsatilmaydi, boshqa talabalarning taqdimotga nisbatan fikrlari hisobga olinib yangi xulosa shakllantiriladi va avvalgi yozma xulosa bilan taqqoslanadi.
6) «Muammo» usuli. Dastlab muammoli videolavha koʻrsatiladi. Kichik guruhlar namoyish vaqtida muammolarni qayd qilib borishadi. Keyin ularning echimlarni oʻzaro almashishadi va tuzatish kiritishadi. Oxirida muammo boʻyicha jamoaning xulosasi shakllantiriladi.
7) «Labirint» usuli. O’qituvchi murakkab vaziyatni bayon qiladi va jamoa boʻlib undan chiqish yoʻli topiladi. Keyin kichik guruhlarda boshqa muammoli vaziyatlar oʻrganiladi va taqdimot oʻtkaziladi.
8) FSMU usuli. Talabadan oʻz fikrini quyidagi tartibda ifodalash talab qilinadi: F - fikrini bayon qilish; S – fikriga sabab koʻrsatish; M – sababni asoslovchi misol keltirish; U - fikrini umumlashtirish.
9) «Muloqot» usuli. Kichik guruhlarda alohida mavzular oʻrganiladi va turli materiallar (video, foto, sxema, ilmiy dalillar) tayyorlanadi. Keyin kichik guruhlar oʻrtasida muloqot boʻlib oʻtadi. O’qituvchi kichik guruhlarning fikrlarini maqsadli yoʻnaltirib boradi va oxirida oʻz munosabatini bildiradi.