Guliston davlat universiteti «kimyo» kafedrasi

Фаннинг ўқув режадаги бошқа фанлар билан ўзаро боғлиқлиги

Бу дастурни амалда бажариш учун талабалар анорганик кимё, органик кимё, физикавий кимё, юқори молекуляр бирикмалар кимёси, кимёвий технология фанлари, математика, физика, экология фанларидан етарлича билимга эга бўлишлари керак.

Мазкур фан 5А140502 – Модда ва материаллар кимёси (полимер материаллар) магистратура мутахассислигида ўтиладиган барча мутахассислик фанлари учун асос бўла олади.

Фаннинг ишлаб чиқаришдаги ўрни

“Ўзбекистонда полимерлар ишлаб чиқаришнинг илмий асослари ва истиқболлари” фани полиэтилен, поливинилхлорид, полипропилен, поливинилацетат, поликарбонатларни саноатда ишлаб чиқариш, улар асосида халқ хўжалигида ишлатиладиган турли буюмлар ва махсулотлар олиш технологиясини ўрганади. Шунинг учун ушбу фан асосий умумкасбий фан хисобланиб, полимерлар ишлаб чиқариш технологияси илмий асосларини ўрганишнинг ажралмас бўғинидир.

Фанни ўқитишда замонавий ахборот ва педагогик технологиялар

Бакалаврлар “Ўзбекистонда полимерлар ишлаб чиқаришнинг илмий асослари ва истиқболлари” фанини ўзлаштиришлари учун ўқитишнинг илғор ва замонавий усулларидан фойдаланиш, янги информацион-педагогик технологияларни тадбиқ қилиш муҳим ахамиятга эгадир. Фанни ўзлаштиришда дарслик, ўқув ва услубий қўлланмалар, маъруза матнлари, тарқатма материаллар, мултимедиа материаллардан фойдаланилади. Маъруза, амалий ва лаборатория дарсларида мос равишдаги илғор педагогик технологиялардан, масалан, диалогик ёндашув, муаммоли таълим, поғона, қадамба-қадам методи, Венн диаграммаси, Т-схемаси, ўз-ўзини назорат, блиц-сўров, зиг-заг усули, мунозара, БББ, инсерт усулларидан фойдаланилади.

Асосий қисм
Фаннинг услубий жихатдан узвий кетма-кетлиги

Асосий қисмда (маъруза) фаннинг мавзулари мантиқий кетма-кетликда келтирилади. Ҳар бир мавзунинг моҳияти асосий тушунчалар ва тезислар орқали очиб берилади. Бунда мавзу бўйича талабаларга ДТС асосида етказилиши зарур бўлган билим ва кўникмалар тўла қамраб олиниши керак.

Асосий қисм сифатига қўйиладиган талаб мавзуларнинг долзарблиги, уларнинг иш берувчилар талаблари ва ишлаб чиқариш эхтиёжларига мослиги, мамлакатимизда бўлаётган ижтимоий-сиёсий ва демократик ўзгаришлар, иқтисодиётни эркинлаштириш, иқтисодий-хуқуқий ва бошқа соҳалардаги ислоҳотларнинг устувор масалаларини қамраб олиши ҳамда фан ва технологияларнинг сўнгги ютуқлари эътиборга олиниши тавсия этилади.