Guliston davlat universiteti «kimyo» kafedrasi

Поливинилхлоридни эмулсияда ишлаб чиқариш қонуниятлари

Винилхлоридни эмулсияда (латексда) полимерлаш сув муҳитида, сувда эрувчи инициаторлар, эмулгаторлар ва бошқа қўшимчалар иштирокида ўтка­зилади.
Эмулгатор сифатида сирт – фаол моддалар - турли хил совунлар ишла­тилади (алифатик ва ароматик карбон кислоталарнинг тузлари, алифатик сулфокислоталарнинг натрийли ва калийли тузлари, алкилсулфонатлар).
Полимерланиш инициаторлари сифатида сувда эрувчи пероксид ва гид­рооксидлар (аммоний, калий, натрий персулфатлари, водородпероксиди), оксидланиш – қайтарилиш системалари ишлатилади.
Эмулсион полимерланишнинг катта тезликда амалга оширилиши, сано­атда полимер олишни ҳарорат чегараларини кенгайтиришга, ва демак поли­мерланиш ҳароратини турлича ўзгартириб полимерни ўртача молекула мас­сасини ва бошқа хоссаларини ростлаш имконини беради.
Эмулсияда полимерланиш натижасида заррачалари 0.1 дан 1 мкм кат­таликка эга латекс ҳосил бўлади; латексдан полимер майда кукун кўрини­шида ажратиб олинади.
Эмулсияда полимерлашни намунавий андозаси қуйидагичадир (масс. қисмларда):

Винилхлорид………………………………………………………	100
Минералсизлантирилган сув……………..………………….......	150-200
Инициатор…………………………………..…………………….	0.5-1.0
Эмулгатор………………………...…………..…………………..	1.5-2.0
рНни ростловчи…………………………………………………..	0.2-0.5

Эмулсияда олинган поливинилхлоридни асосий камчилиги, уни хар хил модда қолдиқлари билан ифлосланганлиги ҳисобланади. Шунинг натижасида эмулсияда олинган ПВХни кул ҳосил қилиши 0.3-0.5% бўлиб, бу катталик суспензион ПВХ нинг кул ҳосил қилишидан (0.03-0.08%) анча катта. Ундан ташқари эмулсион ПВХ 5% гача намлик ютса, суспензион ПВХ фақат 0.5% намлик ютади. Бу камчиликлар эмулсион полимерни ишлатиш соҳаларини ан­ча чегаралаб қўяди