Guliston davlat universiteti kasbiy pedagogika fandan

3. Nazorat va baholash bo‘yicha vazifalari. 
Ta’lim  tarbiya  jarayonini  bashqarish  va  nazorat  qilishda  quyidagilar  kasb  ta’limi 
o‘qituvchisiga xos bo‘lishi kerak: 
1)Yuqori  g‘oyaviylik.  O‘qituvchi  o‘sib  kelayotgan  avlodning  tarbiyachisidir.  U 
o‘quvchilarni milliy istiqlol g‘oyalari ruxida tarbiyalashi kerak. 
2)  Yuqori  texnika  malaka.  Masalan,  ta’limi  jarayonida  o‘quvchilar  o‘zlari  tanlagan 
mutaxassislikka  oid  o‘quv  yurtining  talablari  bu  mutaxassisliklarga  oid  bilim  va  ko‘nikmalarni 
egallaydilar.  Shu  munosabat  bilan  oliy  o‘quv  yurtining  talablari  bu  mutaxassisliklarga  oid  kabiy 
bilimlar  asoslarini  egallashlari  xamda  keyingi  amaliy  faoliyat  jarayonida  o‘z  maxorati  darajasini 
uzluksiz oshira borishlari kerak. 
3) Yuqori psixologik-pedagogik tayyorgarlik. Kasb ta’limi o‘qituvchilarining o‘zi bilim va 
malakalarni  yuksak  saviyada  egallabgina  qolmay  balki  o‘quvchilarda  xam  ma’lum  malakalarni 
tarkib toptirish  uchun ularga bilimlar berish kerak. Bilim va malakalarni egallash jarayonining o‘z 
qonuniyatlari  bor,  maktabdagi  ta’lim  shu    qonuniyatlar  asosida  tashkil  etiladi.  Kasb  ta’limi 
o‘qituvchisi asixologiya, didaktika va boshqa fanlarning o‘quv jarayoniga asos bo‘ladigan muxim 
qoidalarini chuqur o‘zlashtirib olishi kerak. 
4)O‘z kasbiga muxabbat. O‘qituvchilik kasbining o‘ziga xos tomonlarini chuqur bilish, o‘z 
kasbini  faoliyatida  erishgan  yutuqlaridan  zavqlanishi,  qiyinchilarni  yengib  o‘tish  uchun  kuch  va 
imkoniyat topa olish kasb ta’limi o‘qituvchisining muxim fazilatlari qatoriga kiradi. 
Kasb ta’limi o‘qituvchisi oliy o‘quv yurtidagi tayyorgarligi xar qancha asosli bo‘lsa xam, u  
tugallangan  xisoblanmaydi.  Ma’lumki,  xozirgi  zamon  ishlab  chiqarish  juda  tez  sur’atlar  bilan 
rivojlanmoqda. Mexnat qurollari, texnologik jarayonlar uzluksiz takomillashib bormoqda. Bu  kasb 
ta’limi  jarayonida  o‘z  aksini  topmog‘i  kerak.  Demak,  kasb  ta’limi  o‘qituvchisi  fan  va  texnika 
soxasidagi  taraqqiyotni  uzluksiz  kuzatib  borishi,  ulardan  o‘quvchilarni  tushunarli  shakilda 
xabardor qilib turishi kerak. 
O‘qituvchilar  kasb  ta’limi  jarayonida  foydalaniladigan  metodik  vositalar  majmuasi  xam 
o‘zgarmay qolmaydi. O‘z ishiga ijodliy yondoshuvchi o‘qituvchilar  o‘quvchilarga ta’sir qilishning 
yangi  shakillarini,  uzluksiz  ravishda  bilim,  malaka  va  ko‘nikmalarni  shakillantirishning  yangi 
usullarini topadilar. Yaxshi tajriba umumlashtiriladi va ko‘pchilikning mulki bo‘lib qoladi. Shunga 
ko‘ra xar bir  o‘qituvchi ilg‘or pedagogik tajriba  yoritiladigan vaqtli  matbuotni kuzatib borishi va 
undan o‘z ishida foydalanishi kerak. 
O‘quvchilarning  moddiy  ishlab  chiqarish  soxasida  xayot  va  kasbga  tayyorlanishda  kasbiy 
ta’lim o‘qituvchisi yetakchi rol o‘ynaydi. U o‘z mashg‘ulotlarida o‘quvchilarning  turli kasblarga 
bo‘lgan  qiziqishini  aniqlash  va  rivojlantirish  lozim.  Buning  uchun  gurux  raxbarini,  shu  guruxda 
ishlaydigan  boshqa  predmetlarning  o‘qituvchilarnini  va  o‘quvchilarning  ota-onalarini  jalb  qilish 
kerak.  Ular  bilan  muntazam  uchrashib  turish  va  suxbatlashish  bu  gruppadagi  o‘quvchilarni 
yaxshiroq bilish, ularning qiziqishlari va yakka xususiyatlari bilan tanishish imkonini beradi. 
Kasb ta’lim o‘qituvchisi o‘quvchilarni baxolashda, ish joyini tashkil etishda, topshiriqlarni 
bajarishda  mustaqillikni  tarbiyalashi,  shaxsning  xalollik,  kamtarlik,  qat’iylik,  dadillik,  faollik, 
sabo-matonat  xislatlarini,  o‘rtooqlik,  do‘stlik,  ma’suliyatini  sezish  xissi  va  xokozolarini  tarkib 
toptirish lozim. Buning uchun birqancha vazifalarni bajaradi.