Гулистон давлат университети Иқтисодиёт кафедраси

Товар ҳаётийлик даврини узайтириш усули
Товар стратегияси

Янги маҳсулотни яратиш. Бизнес-режада корхонанинг янги маҳсулот яратиш бўйича сиёсатини баён қилиш лозим. Ушбу сиёсатни ишлаб чиқишда биринчи навбатда истеъмолчилар талабларига таянилади.

Сифат соҳасидаги корхона стратегияси⁷. Бизнес-режанинг ушбу бандида қуйидагилар акс эттирилади:

• харидор учун энг жозибали бўлган сифат жихатларининг тавсифи;

• маҳсулот жозибадорлигининг ўзгариши йўналишлари;

• маҳсулот сифатини ошириш борасидаги корхонанинг стратегик йўналишлари.

Дизайн стратегиясини белгилаш. Бунда қуйидагиларни ёритиш лозим;

• дизайн борасидаги корхона ҳаракатларининг стратегик йўналишлари;

• корхона маҳсулотни дизайни бўйича хизмат кўрсатишни ташкил этиш;

• дизайн хизматига қилинадиган харажатлар.

Товарнинг бозор атрибутлари (белгилари).

Бизнес-режада товарнинг бозор атрибутларига алоҳида эътибор бериш лозим. Чунки унинг ташкил этувчилари товарни истеъмолчи томонидан қабул қилинишида катта аҳамиятга эгадир.
Сервис хизматини ташкил этиш стратегияси⁸ сотишдан олдинги ва сотишдан кейинги сервис хизматини кўзда тутади.
Бозорни ва сотувни тадқиқ қилиш. У корхонанинг келгуси фаолиятини белгилаш учун бозор шароитлари тўғрисида маълумотлар олиш мақсадида амалга оширилади⁹. Бозорни ва сотувни тадқиқ қилишнинг асосий йўналишлари қуйидагиларни қамраб олади:

• 
  бозор сиғимини баҳолаш;
  
• 
  бозорни сегментлаш;
  
• 
  бозор ўзгаришлари ва ривожланиш тенденциялари таҳлили, хусусан, иқтисодий, фан-техника, демографик, экологик, қонунчилик ва бошқа омилларни таҳлил қилиш;
  
• 
  бозор тузилмасини ўрганиш;
  
• 
  сотув ҳажмини башорат қилиш.