Guliston davlat universiteti filologiya fakulteti

34-mashq
Vatanlar, vatanlar, mayli gullasin, bog’ unsin mangulik muzda ham, ammo, yurtim seni faqat boyliklaring-chun sevgan farzand bo’lsa, kechirma aslo! (A.Oripov) Ko’ngil!.. tiriksan, o’lmagansan. Sen-da odam, sen-da inson sen. Kishan kiyma, bo’yin egma, ki, sen ham hur tug’ilg’onsen!.. (Cho’lpon). Moziyga qarab ish tutish hayrlidir! (A.Qodiriy) Itoat et! Agar sendan vatan rozi emas bo’lsa, yoril, chaqmoqqa aylan sen, yoril! Mayli, tamom o’lsam!.. (U.Nosir) Har lahza zamonlar umridan uzun, asrlar taqdiri lahzalarda hal, umrdan o’tajak har lahza uchun qudratli qo’l bilan quraylik haykal (G’.G’ulom) Hurriyat, keldingmi, nahotki kelding, kelar yo’llaringda pinhona toldim. Mening ota-onam, jon Vatanimda, elim taqdirida abadiy qolding!(Zulfiya) Odamlarning yaxshirog’i o’z qalbida yaxshilikka yo’l ochgani va yomonlikni hamda ochko’zlikni haydab chiqarganidir!(Muhammad Zehniy) Insoniyat farovonligi yo’lida mehnat qilish qanchalar buyuk ishdir, o’zini mehnatdan ozod qilish jinoyatdir (L.N.Tolstoy) Sofdil kishilar, sayyitlar, olmlar va fozillarga dargohim doim ochiq edi, chunki bu insonlar mamlakat rivojida ustundirlar (A.Temur) Madaniy vaxshiylik-barcha vaxshiylikdan yomonroqdir. (K.Veler) Har qanday odamga uning qilgan ishlariga qarab baho berish kerak.(M.Servantes).
14-amaliy mashg’ulot
Ajratilgan bo’laklar va ajratilgan bo’lakli sodda gaplar
Ajratilgan vaqt – 4 soat
Darsning maqsadi: talabalarning sodda gaplarning ajratilgan bo’laklar bilan murakkablashuvi, ajratilgan bo’lakli sodda gaplarning leksik-grammatik xususiyatlari to’g’risidagi bilimlarini mustahkamlash, ularda har qanday matndan ajratilgan bo’laklar bilan murakkablashgan sodda gaplarni ajrata olish ko’nikmasini hosil qilish.
Ishning bajarilish tartibi
1. Berilgan mashq, matn, gaplarni: a) sodda gaplar; v) qo’shma gaplar tarzida ikki guruhga ajratib, daftaringizga yozib chiqing.
2. Ajratilgan sodda gaplar orasidan ajratilgan bo’lakli gaplarni topib, ularni alohida yozib chiqing.
3. Ajratilgan bo’lakli har bir gapni qaysi bo’laklar ajratilganiga qarab tahlil qiling va tagiga tegishli chiziqlar bilan belgilang.
4. Ajratilgan bo’lakli gaplarda tinish belgilarining ishlatilish xususiyatlariga diqqat qiling, fikringizni bayon qiling.
5. Har bir gapni gap bo’laklari bo’yicha tahlil qiling.