Guliston davlat universiteti b. A. Xasanov, A. A. Xashimov, A. B. Muxametov, A. A. Abduvohidov buxgalteriya hisobi

Indossament – qimmatbaho qog’oz, vasiqa, chek, konossament va boshqalardagi yozuv bo’lib, ushbu hujjatlar bo’yicha huquq boshqa shaxsga o’tishini bildiradi. Asosan, hujjatning orqa tomoniga yoki qo’shimcha varaqaga yoziladi. Indossamentni amalga oshirgan shaxs, indossant deb ataladi.
Injenering - ishlab chiqarish korxonalarini, birlashmalarini, infrastruktura ob’ektlarini tuzish yuzasidan xizmat. Xorijiy buyurtmachilar bilan shartnomaga asosan quyidagi ishlarning bajarilishi: loyiha tuzishdan oldingi, injener tekshiruv, ilmiy tekshirish ishlarini olib borish, texnik vazifalarni tuzish, loyihaviy takliflarni va sanoat hamda boshqa ob’ektlarning qurilishini texnik-iqtisodiy asoslarini berish, texnik hujjatlarni ishlab chiqarish, texnika va texnologiya ob’ektlarining konstruktorlik ishlovi, iqtisodiy, moliyaviy va boshqa sohadagi maslahat.
Injenering xizmatlari asosan, yirik firmalarning mashina va uskunalarini sotish bilan bog’liq bo’ladi. Injenering mustaqil ravishda tovar sifatida ham bozorga chiqishi mumkin. Injenering xizmatlarini sotib olish shartnomasi ularni ro’yxati, tashkiliy sharoitlar, shuningdek baho va to’lov tartiblarini o’z ichiga oladi.
Injenering xizmatlarini yirik sanoat kompaniyalari bevosita yoki o’z maxsus shu’ba kompaniyalari orqali, shuningdek katta bo’lmagan mustaqil firmalar ham ko’rsatadi.
Injenering - bu maslahatchi-korxona tomonidan, mijoz-korxonaga sanoat yoki boshqa ob’ektlar qurilishida aniq bir xizmat turlarini ko’rsatishdir.
Injeneringning to’liq tsikli quyidagi bosqichlardan iborat:

• 
  loyihaning marketing nuqtai nazardan maqsadliligini tekshirish;
  
• 
  uni realizatsiya etishning texnik imkoniyatlarini o’rganish;
  
• 
  texnik-iqtisodiy muqobillik va er maydoniga talabni, hamda, mahalliy hududga aloqasini ko’rsatgan holda, dastlabki loyihani tuzish;
  
• 
  ishchi loyihani tuzish va uskunalarning savdosini tayyorlash;
  
• 
  uskunalar savdosi yuzasidan takliflarni baholash;
  
• 
  uskunalar savdosi tanlovining natijasi asosida muhandis-qurilish loyihasini tuzish;
  
• 
  muhandis-qurilish ishlarining savdosiga tayyorgarlik;
  
• 
  berilgan takliflarni baholash;
  
• 
  uskunaning tayyorlanishi, sinovdan o’tkazilishi va boshqalar ustidan nazorat o’rnatish (qoidaga ko’ra, faqat antiqa va maxsus murakkab uskunalarning tayyorlanishi vaqtida);
  
• 
  muhandis-qurilish ishlari, etkazish va o’rnatish koordinatsiyasi;
  
• 
  buyurtmachiga xizmat ko’rsatuvchi xodimlarni tayyorlashga yordam berish;
  
• 
  ob’ektni foydalanishga tayyorlash va buyurtmachiga “tayyor mahsulot”sifatida topshirish;
  
• 
  ob’ektni topshirgandan so’ng, undan foydalanish davomida kuzatish va maslahat berish.
  

Integratsiya - kooperatsiya va ishlab chiqarish hamda mehnatni taqsimlash asosida ikki yoki undan ortiq davlatlar milliy xo’jaligining o’zaro harakatidagi iqtisodiy jarayon.
Inflyatsiya - haqiqatda taklif etilayotgan tovarlarga nisbatan ancha ko’p miqdorda qog’oz pullarning muomalaga chiqarilishi. Baholarning umumiy, uzoq vaqt oshib borishi va haqiqiy mehnat haqining oshib borishi bilan kuzatiladi. Oltin bozor bahosini oshishi, hayot qiymati, valyuta kursining o’zgarishlari ham inflyatsiya oqibatidir.
Infratuzilma - iqtisodiy yoki siyosiy hayot umumiy tuzilishining tarkibiy qismlari. Iqtisodiy yoki siyosiy tizimda bo’ysinuvchi, yordam tavsifga ega bo’lib, umumiy faoliyatni ta’minlaydi. Masalan, iqtisodiy infratuzilmaga quyidagilar kiradi: ijtimoiy ishlab chiqarish holatini belgilovchi transport va aloqa, maorif va ta’lim, uy-joy va maishiy xizmat xo’jaligi, fan va texnika, sog’liqni saqlash va boshqalar.