Guldu filologiya fakulteti, 38-20- guruhning yig‘ilishi bayonnomasi

Guruh murabbiysi: Y.Xodjiyev

GulDU Filologiya fakulteti 38-20-guruhning yig‘ilish

BAYONNOMASI

10.12.2020 Guliston shahri

2020 yil 10-dekabr kuni 38-20-guruhning yig‘ilishi bo‘lib o‘tdi. Yig‘ilishda guruh talabalarining barchasi ishtirok etdi va quyidagi masalalar ko‘rildi:

1. 
   Respublikada yuz berayotgan siyosiy-iqtisodiy va ma’naviy yangiliklardan talabalarni onlayn xabardor qilish;
   
2. 
   “Ijodiy tafakkur va qobiliyat – axloqiy tarbiyaning asosi” mavzusidagi onlayn ma’ruza;
   
3. 
   Turli masalalar.
   

1-masala. Respublikada yuz berayotgan siyosiy-iqtisodiy va ma’naviy yangiliklardan guruh murabbiyi Y.Xodjiyevning o‘zi maxsus ma’lumotlar asosida onlayn xabardor qildi. Talabalar ushbu ma’lumotlar yuzasidan ham o‘z fikr-mulohazalarini bildirdilar.

2- masalada “Ijodiy tafakkur va qobiliyat – axloqiy tarbiyaning asosi” mavzusidagi onlayn ma’ruza.

Madaniyat va san’at – jamiyatning bebaho xazinasi, inson tafakkurining buyuk kashfiyotidir. Bu sohalar ijod va mahoratning, tinimsiz izlanishning eng oliy darajasida yaratilgandagina inson ko‘nglini ishg‘ol qila oladi. Ijodiy tafakkur va qobiliyat egalari esa insonlar ko‘z o‘ngida hayratlar yaratadilar, insonga mislsiz kuch-g‘ayrat ato etadilar.

Chunki ular uzoq tarixga borib taqaladigan milliy urf-odatlarimiz, ana’analarimiz, xalq og‘zaki ijodiyoti,klassik, mumtoz, zamonaviy qo‘shiqchilik, milliy maqom, baxshichilik, muzeylar va teatrlar, kontsert tashkilotlari, ijodiy jamoalarning faoliyatini tartibga soluvchilar, xalqqa etkazib beruvchilar sanaladilar.Zero, har bir xalqning san’ati shu xalqni dunyoga tanitadi, jahon sahnalarida shu xalqning nomidan so‘z aytishga sharoit yaratadi.

10-dekabr – “Inson huquqlari kuni” sifatida nishonlanishi xususida so‘zladi. Shuningdek, “Xalq qudrati mujassam qo‘shiq” bo‘lgan 10 dekabr – O‘zbekiston Respublikasining davlat madhiyasi qabul qilingan kun ekanligiga ham alohida urg‘u berildi. Ushbu bayramlarning birinchisi BMT orqali qabul qilingan bo‘lsa, ikkinchisi Oliy Kengash tomonidan qabul qilinganligi eslatib o‘tildi. O‘qilgan ma’ruza yuzasidan guruh a’zolari so‘zga chiqib, o‘z fikr-mulohazalarini bildirishdi.

3-masalada talabalarning davomati masalasi haqida gapirildi. Joriy va oraliq nazoratlarni vaqtida bajarilishi uqtirildi.