Guldu filologiya fakulteti, 38-20- guruhning yig‘ilishi bayonnomasi

Guruh murabbiysi: Y.Xodjiyev

GulDU Filologiya fakulteti 38-20-guruhning yig‘ilish

BAYONNOMASI

9. 02. 2021 yil Guliston shahri

2021-yil 9-fevral kuni 38-20-guruhning yig‘ilishi bo‘lib o‘tdi. Yig‘ilishda guruh talabalari ishtirok etdi va quyidagi masalalar ko‘rildi:

1. 
   Respublikada yuz berayotgan siyosiy-iqtisodiy va ma’naviy yangiliklardan talabalarni onlayn xabardor qilish;
   
2. 
   “Ajdodlar merosiga ehtirom” mavzusidagi ma’ruzasi;
   
3. 
   Ota-onaga itoat etish haqida
   
4. 
   Badiiy adabiyot bilan tanishish. Abdulla Qodiriyning “O‘tkan kunlar” romani.
   

1-masala. Respublikada yuz berayotgan siyosiy-iqtisodiy va ma’naviy yangiliklardan guruh murabbiyi Y.Xodjiyev Vazirlik tomonidan tavsiya etilgan maxsus ma’lumotlar asosida onlayn xabardor qildi. Talabalar ushbu ma’lumotlar yuzasidan o‘z fikr-mulohazalarini bildirdilar.

2- masala. “Ajdodlar merosiga ehtirom” mavzusidagi ma’ruzasi; “Yangi O‘zbekiston”– Uchinchi Renessans davri. So‘nggi vaqtlarda olib borilayotgan islohatlar sababli yurtimiz haqida so‘z ketganda “Yangi O‘zbekiston” iborasi tez-tez tilga olinmoqda.  Bu taraqqiyotning mutlaqo yangi bosqichiga qadam qo‘yganimiz, erishayotgan zalvorli yutuqlarimizning e’tirofidir. Darhaqiqat, “Yangi O‘zbekiston”da hamma sohalar kabi ajdodlar merosini o‘rganish, xalqimizga, dunyoga etkazish, e’tirof va ehtirom ko‘rsatishda ham sezilarli ishlar amalga oshirilmoqda. Tasodif emaski, so‘nggi yillarda O‘zbekistonda ajdodlar merosini o‘rganish va o‘rgatishni yanada yaxshilash maqsadida Islom sivilizatsiyasi markazi, Islom akademiyasi, Mir Arab oliy madrasasi, Imom Buxoriy, Imom Termiziy, Imom Moturidiy xalqaro ilmiy-tadqiqot markazlari, Yoshlar akademiyasi va boshqa talay tadqiqot markazlari, akademiyalar, maxsus maktablar tashkil etilmoqda. Ushbu dargohlarda ajdodlar ilmiy merosi tizimli tadqiq etilib, zamonaviy taraqqiyot yutuqlari bilan hamohang hayotga tadbiq etilmoqda. O‘zbekiston Respublikasi Prezidenti Shavkat Mirziyoev ta’biri bilan aytganda “Xalqimizning ulug‘vor qudrati jo‘sh urgan hozirgi zamonda O‘zbekistonda yangi bir uyg‘onish – Uchinchi Renessans davriga poydevor yaratilmoqda, desak, ayni haqiqat bo‘ladi”. Renessans yoki Uyg‘onish (frants. Renaissance; ital. Renasci ) – qayta yuzaga kelmoq, yangidan tug‘ilmoq kabi leksik ma’nolarni bildiradi. 

3-masalada Ota-onaga itoat etish.“Shahar tojini izlama, ota-onang roziligini izla!”

Odatda otani “Padari buzrukvor”, onani esa “Mehribon volida” deymiz. Chunki, har bir inson uchun otadan ulug‘ qadrdon, onadan mehribon va yaqin kishi yo‘q. Ular siz bilan bizni dunyoga keltirib, ko‘z qorachig‘idek asrab avaylab voyaga yetkazibgina qolmasdan hamma vaqt quyosh yanglig‘ hayotimizga nur ato etadilar, tunimizni yorug‘, yo‘llarimizni oydin qiladilar. Shu boisdan ham, eng go‘zal dostonlar, eng yaxshi qo‘shiqlar, eng yoqimli kuylar ana shu ulug‘ zotlarga bag‘ishlangani bejiz emas.Xalqimiz ijodidagi eng mazmunli sahifalar ham ota-onalarga bag‘ishlagandirlar.

Ota – aql, ona – idrok. Otangni quyosh deb bilsang,Onangni oy deb bil!

Shundan so‘ng talabalar tomonidan mavzuga doir maqol va matallar, hikmatli so‘zlar aytildi.

4-masala. Badiiy adabiyot bilan tanishish bosqichida talabalar Abdulla Qodiriyning “O‘tkan kunlar” romani bilan tanishishdi. Barcha talabalar asar bilan tanish bo‘lganligi uchun bahs qizg‘in tus oldi. Asar qahramonlariga tavsif berildi.

Shundan so‘ng qaror qabul qilindi:

1. 
   Onlayn taqdim etilgan Respublikada yuz berayotgan siyosiy-iqtisodiy va ma’naviy yangiliklar ma’lumot uchun qabul qilinsin.
   
2. 
   “Ajdodlar merosiga ehtirom” mavzusidagi ma’ruza ma’lumot uchun qabul qilinsin.
   
3. 
   Talabalar ota-onaga itoat etsinlar.
   
4. 
   Abdulla Qodiriyning “O‘tkan kunlar” romanini talabalar yana bir bor o‘qib chiqsinlar.