Градостроительные нормы и правила

Ҳуқуққа оид муассасалар
3.88. Ҳуқуққа оид муассасалар: прокуратуралар, ЗАГСлар, ҳуқуқий маслаҳат, нотариал корхоналари маъмурий биноларга қўйиладиган талабларни ҳисобга олган ҳолда лойиҳаланади. (3.78-3.86 бандлар).
Судлар судялар сони ва суд мажлислари залларининг сиғдираолишлик миқдорига қараб, судларнинг маъмурий хоналари маъмурий муассасалар майдони кўрсаткичлари бўйича назарда тутилади.
Ҳуқуққа оид муассасалар хоналарининг таркиби ва майдони лойиҳа топшириғига асосан ўрнатилади.
3.89. Суд мажлислари залининг майдони залда бир ўринга, м² :

• 
  кичик 25-40 ўрин - 1,7
  
• 
  шундай, ўрин олди столи билан - 2,0
  
• 
  80 дан 100 ўрингача - 1,3
  
• 
  100 дан 200 ўрингача - 1,1-0,9
  
• 
  200 ўриндан ортиқ - 0,7
  

Эслатма: Суд мажлиси заллари қошида судя ва судланувчилар учун қўшимча хоналар, келувчилар учун кулуарлар, ашъёвий далилларни сақлаш учун омборчалар ва хожатхоналар назарда тутилади.
3.90. ЗАГСлар ходимларнинг иш хоналарини, архивни, қўшимча хоналарни ўз ичига олиши керак; регистрация заллари майдони камида 24 м² бўлиши керак; тантанавор никоҳ регистрацияси учун заллар майдони 40-60 м² ли тавсия этилади. Келувчиларни қабул қиладиган иш хоналари камида 12 м² майдонли бўлиши керак. ЗАГС таркибида келувчилар учун хоналар кўзда тутилади: хожатхона, холл-меҳмонхона, куёв ва келин хонаси, қўшимча хоналари билан банкет зали. Хоналар таркиби ва майдонлари лойиҳа топшириғи бўйича белгиланади.
Қишлоқ жойларда иш майдони – ЗАГС хоналари камида 24 м², жумладан регистрация хонаси камида - 15 м² бўлиши керак.


Архивлар
3.91. Турли йўналишдаги архивлар қуйидаги хоналарни ўз ичига олади: қабулхона, ишлов бериш хонаси, хужжатларни комплектлаш ва сақлаш хоналари; даҳлиз ва келувчилар учун хона, хужжатларни нусҳалаш хонаси, реставрация ва экспертиза қилиш хоналари, бошқа ишчи ва маиший хоналар. Хоналарнинг таркиби ва майдонлари лойиҳа топшириғи бўйича белгиланади. Ходимлар учун иш хоналари маъмурий бинолар учун берилган кўрсаткичлар бўйича қабул қилинади, келувчилар учун хоналар бир иш ўрни 3,0-6,0 м² майдонли бўлишидан келиб чиққан ҳолда кўзда тутилади.
Архивнинг сақлаш хонаси сақланадиган хужжатлар ҳажми бўйича сақлашнинг бир мингта шартли бирлигига 2,5 м² майдон ҳисобидан аниқланади.
Эслатма: Даҳлиз, хожатхоналар маъмурий бинолардаги каби қабул қилинади.