Градостроительные нормы и правила

Санатория-курорт ва соғломлантиришга, дам олишга ва туризмга мўлжалланган муассасалар

52. 
    Санатория ва санатория-профилактика биноларини, реабилитатсия марказлари ва муассасаларини лойиҳалашда ушбу нормалар қатори СанПиН № 0231 ва ШНҚ 2.08.03. талабларини ҳам эътиборга олиш шарт. Кўрсатилган муассасалар яшаш, тиклаш, профилактика ва соғломлантиришга мўлжалланган маданий-маиший хизмат кўрсатиш, ҳамда маъмурий-хўжалик ва техник хоналарини ўз ичига олади.
    
53. 
    Дам олиш муассасалари, жумладан болалар (ўсмирлар) ва ёшларнинг соғломлантириш оромгоҳлари, пансионатлар, дам олиш базалари ва уйлари, туристлар учун базалар, бошпанали манзиллар, кемпинглар, овчилар (балиқчилар) базалари дам олувчилари ва туристларга яшаш ва хизмат кўрсатиш хоналарини (овқатланишларини, бўш вақтларини ўтказиш ва соғломлантиришни ташкил этиш хоналари), ҳамда маъмурий-хўжалик ва техник йўналишларга мўлжалланган хоналарни ўз ичига олади. Хоналарнинг сиғдираолишлик миқдори, таркиби ва майдонлари, комфорт даражаси лойиҳа топшириғига асосан тайинланади.
    

3.54. Санатория, дам олиш ва туризм муассасаларининг яшаш хоналарини овқатланиш, маданий-оммавий, даволаш-диагностика ва жисмоний тарбия-спортларга мўлжалланган хоналардан бутунлай ажралиб турадиган блокларда жойлаштириш зарур.
Яшаш (ётоқ) корпуслари кириш даҳлизини, навбатчи хонасини, қаватларда меҳмон хоналарини, кирхоналарни, инвентар хоналарни ўз ичига олади; ёзги хоналар маҳаллий шароитлар бўйича қабул қилинади.
Болали оилалар яшаши учун хоналар, қоида бўйича, алоҳида секция ва блокларда (қисмларда), 3-қаватдан юқори бўлмаган сатҳларда, эвакуация учун алоҳида зинапоя катаги таъминланган ҳолда жойлаштирилиши керак.
Яшаш учун хоналар 17-жадвал кўрсаткичларини ҳисобга олиб кўзда тутилади. Дам олиш муассасаларининг яшаш хоналари ва санатория палаталари, меҳмонхона номерлари типи муайян жиҳозлар билан таъминланиши бўйича, жумладан хожатхоналар билан, ҳар хил комфортли қилиб кўзда тутилади. Яшаш номерлари кўпинча 1-2 одамга, болали оилалар учун 3-4 ўринга мўлжалланган қилиб назарда тутилади.
17-жадвал

Муассасалар	Майдони, м^2 (камида)
	1 ўринга	хонанинг
Катталарнинг дам олиши учун, болали оилалар учун санаториялар, санатория-профилакториялар, пансионатлар ва бошқалар, туристлар учун меҳмонхоналар, мотеллар	6,0-8,0	1 кишига - 10 2 кишига – 12-16
Болалар учун соғломлантириш оромгоҳлари- дам олиш базалари	4,5-6,0	18
Болалар учун санатория оромгоҳлари	6,0	18
Ёзда фаолият кўрсатадиган болалар соғломлантириш оромгоҳлари	4,0-4,5	18
Туристлар қўними манзиллари, овчилар ва балиқ овловчилар базалари, кемпинглар, мотеллар (сув юзида дам олишга мўлжалланган лагер-турар жойи)	4,5-5,0	9-12
Илова: 1. Комнаталар сони, уларнинг майдонлари, жиҳозланиши, жумладан санитар-техник жиҳозлар билан, лойиҳа топшириғи бўйича ўрнатилади. 2. Комнаталар кенглиги камида 2.4 м, узунлиги кўпи билан 6 м бўлиши зарур.

3.55. Дам олиш ва туризм муассасаларида яшаш хоналарининг гуруҳига ёки қаватга (ёки бинонинг биринчи қаватида) жойлаштириладиган умумий хожатхоналарини, ёзги дам олиш муассасаларида кўриниши алоҳида блоклар ювиниш, хожат ва душхоналари канализациялаштирилган ҳолларни, тавсиявий 6-илова кўрсаткичларини ҳисобга олган ҳолда, кўзда тутилади.
3.56. Санаториялар, дам олиш ва туризм муассасаларида қуйидаги хоналар назарда тутилиши керак: регистратура, маъмурият, тибпункт изолятори билан, ҳамда даволаш-соғломлантиришга мўлжалланган хоналар, овқатланиш, бўш вақт ва дам олишни, спорт-тренировка машғулотларини ташкил қилиш учун хоналар, оммавий тадбирлар зали, концерт ва кинокўрсатиш хоналари. Кўрсатиб ўтилган хоналарнинг майдонлари 5-тавсиявий иловада келтирилган.
Барча муассасаларда, қоида бўйича, камида 2 койкали изолятор кўзда тутилиши шарт.
Эслатма: 1. Томоша залларини 60-70% дам олувчиларга мўлжаллаб ҳисоблаш тавсия этилади, клуб ва ўйинлар хоналари майдони камида 30 м² бўлиши керак.
2. Ёзги киноконсерт, рақс майдонлари, ўқиш хонаси, ўйин-кулги, спорт иншоотлари маҳаллий шароитлардан келиб чиққан ҳолда назарда тутилади.
3.57. Болалар соғломлантириш ва санатория оромгоҳида ётоқ корпуслари яшаш секциялари ёки блоклари асосида тузилиб отрядга ёки гуруҳга 30-35 бола бўлиши ҳисобидан кўзда тутилади; таркибида яшаш ва санитар-маиший йўналишларга мўлжалланган хоналар назарда тутилиши керак (хожатхоналар, душхоналар, шахсий буюмлар омборчалари, маиший комнаталар); ҳар бир яшаш гуруҳига тарбиячи комнатаси назарда тутилади.
Болалар соғломлантириш оромгоҳларининг – дам олиш базаларининг корпуслари мавсумдан бошқа вақтларда катталар, болали оилаларни қулай жойлаштириш имконини ҳисобга олиб лойиҳаланиши даркор.
Болаларнинг ёзги оромгоҳлари учун бир қаватли ётоқ павильонларини ва алоҳида жойлаштирилган хожатхона ва ювиниш хоналари учун санитар блокларини 2 та отрядга (60-70 бола) мўлжалланиши ҳисобидан лойиҳаланиши мумкин. Душхоналар ва кир ювиш хоналари оромгоҳ учун, қоида бўйича, марказлаштирилган ҳолда назарда тутилади.
3.58. Ошхоналар хоналарининг таркиби ва майдонлари овқатлантиришни ташкил қилиш технологик талаблари бўйича (сменаликни ҳисобга олган ҳолда) лойиҳа топшириғига асосан тайинланади.
Овқатланиш залларининг майдони ушбу нормаларнинг 3.140 бандини ҳисобга олиб қабул қилинади. Ҳар бир залнинг сиғдираолишлик миқдори 250 ўриндан ошмаслиги шарт.
Болалар дам олиш муассасаларида овқатланиш заллари бир сменали хизмат кўрсатишга ҳисобланади, бунда болалар ўринлари 200 дан ошмаслиги зарур.
Эслатма: 1. Ёзда фаолият кўрсатадиган дам олиш муассасаларида овқатланиш заллари майдони бир ўринга 1,0-1,2 м² ҳисобидан, овқатланиш блоклари залдаги бир ўринга 0,95-1,4 м² майдон тўғри келиши ҳисобидан қабул қилинади.
2. Ёзги ошхоналарнинг залларини террасаларда (тентлар, тепа қопламали жойлар) кўзда тутиш мумкин.
3.59. Ўрни 250 гача дам олиш уйлари ва туристик базаларда кўп функцияли – баландлиги 4.2 м бўлган ошхона-клуб залларини кўзда тутиш мумкин.