Градостроительные нормы и правила

Ҳаммомлар ва хоммом-соғломлантириш мажмуалари
3.151. Ҳаммомлар ва хаммом-соғломлантириш мажмуалари ювиниш-душхона ва буғли, ҳамда индивидуал хоналардаги жойлар сони бўйича ҳисобланади. Хаммомлар ва ҳаммом-соғломлантириш мажмуалари хоналари таркиби ва майдонлари технологик асослар бўйича 21-жадвални ҳисобга олган ҳолда лойиҳа топшириғида берилади; таркибига ҳар хил типли буғли хоналар (миллий, туркча, финларники, русларники), соғломлантириш душлари ва ванналари (миниралли, игнабаргли, бошқалар), массажхона, гўзаллик салони, сарторошхона, бадан қорайтириш, чой ичиш, фитобар ва бошқа хоналарни олади.
Ўз ичига соғломлантириш душларини, ванналарни, массажхоналарни, сауналарни, бассейнларни оладиган соғломлантириш бўлимларининг хоналари технологик талаблар бўйича амалдаги лойиҳалаш нормаларини ҳисобга олган ҳолда лойиҳаланади.
Эслатма: 1. Ечиниш хонаси, ювиниш хонаси (ёки душхона), ва буғли хона ўзаро нисбатлари технологик ҳисоб-китоблар бўйича аниқланади (нотекис фойдаланишликни ҳисобга олган ҳолда).
2. Сиғдираолишлик миқдори 20 ва ундан ортиқ жой бўлган ҳаммомлар, қоида бўйича, икки бўлимли бўлиши керак (эркак ва аёллар бўлимлари); 20 тагача жойли ҳаммомлар бир бўлимли навбат билан фойдаланиладиган бўлиши мумкин ( аёллар ва эркаклар учун).

• 
  21-жадвал
  

Хоналарнинг номланиши	ўлчаниши	Майдони, м^2
		Ҳисобий бирлигига	Жами, м^2, камида
1. Кийим-кечак алмаштириш хоналари билан даҳлиз	1 ўринга	0,35 (50 ўрингача 0,45)	12
2. Гигиеник хоналар: - ечиниш - ювиниш - душхоналар (очиқ кабиналар) - ваннли кабинлар (ёпиқ) - ёпиқ ечиниш хонаси билан душ кабинлари	“ “ “ 1 кабинага шундай	0,75-0,8(1,0) 2,4-2,2 2,2-2,5 (кабина 1,1x1,1) 4,8 (кабина 2,5x1,35)	12 15 15
3. Сауна-буғли хона	хона	4,0-10,0	-
Эслатма: 1. Ечиниш хоналари қошида хожатхоналар жойлаштирилиши шарт (20 ўринга битта сан жиҳоз, аммо ҳар бир ечиниш хонаси қошида биттадан кам эмас). 2. Сауна хоналари таркиби ва майдонларига талаблар 3.156 бандида келтирилган. Кўп ўринли буғли хоналарнинг (финларники, русларники , туркларники) габаритлари ва майдонлари технологик шартлар бўйича қабул қилинади. 3. Ваннаси ва души бор алоҳида кабиналар қошида кабина-сауналар назарда тутилиши мумкин; бунда ечиниш хонаси майдони камида 6 м^2 (дам олиш жойи билан) бўлиши шарт. 4. Қўшимча ва ёрдамчи хоналар, жумладан омборчалар, инвентар хоналари, кирхоналар, ходимлар учун хожатхона ва душхонаси билан маиший хоналар барча типдаги ҳаммомларда бўлиши шарт (таркиби технологик асослар бўйича аниқланади). 5. Тезкор кир ювиш хоналари камида 50 ўринли ҳаммомларда бир ўринга бир сменада 1.0-1.5 кг қуруқ кир тўғри келиши ҳисобидан кўзда тутилиши мумкин; ечиниш хонасидан кир кийимни кир ювиш хонасига узатиб юбориш жойи назарда тутилиши мумкин. Кир ювиш хонасининг қуввати, хоналарининг таркиби лойиҳа топшириғида берилади.

3.152. Умумий буғли, ювиниш, душхона ва хожатхоналарга кириш жойлари ечиниш хоналаридан тамбур орқали назарда тутилиши шарт. Буғли хонага кириб чиққандан сўнг ечиниш хонаси майдонида дам олиш жойи ташкил этилиши мумкин (умумий майдони камида 12 м², индивидуал ечиниш хонасида камида 6 м²).
3.153. Санитар ўтказиш хоналари сифатида фойдаланиладиган, сиғдираолишлик миқдори 50 ва ундан ортиқ жойли, ҳаммомларни лойиҳалашда назарда тутилиши зарур:

• 
  ювиниш ва душхоналарда аёллар ва эркаклар бўлимлари орасида қўшимча эшиклар;
  
• 
  ювиниш хонасида махсус чайиниш душлари–ўриндиқлар ораси ўтиш йўлагида;
  
• 
  ювиниш ва душхонадан санитар ўтказиш ечиниш хонасининг тоза ярмига чиқишда – қўшимча чайиниш душли қурилмалари;
  
• 
  хоналарни ва жиҳозларни даврий дезинфексия қилиш учун қурилмалар;
  

• 
  жойи 200 ва ундан ортиқ ҳаммомларда – стационар дезинфексия камералари;
  

кир кийимларни қабул қилиш ва ювилганларини улашиш хоналари, мос равишда, ечиниш хоналарига ёндош жойлаштирилиши шарт. 3.154. Намлик режимида фойдаланиладиган хоналарни бошқа режимда фойдаланиладиган хоналар уст қисмига жойлаштириш мумкин эмас. Тўсиб турувчи конструкциялар намликдан ишончли изоляция билан таъминланиши шарт. Нам ва ҳўл хоналарнинг дераза тирқишлари ост қисми пол сатҳидан камида 1.2 м баландликда бўлиши шарт.
“Ҳўл” (нам) фаолиятли хоналарнинг поллари ва пардози сувга бардошли, нам олмайдиган ва биочидамли ашъёлардан назарда тутилиши зарур.
3.155. Соғломлантириш муолажалари учун хоналар амалдаги лойиҳалаш нормаларини ҳисобга олган ҳолда назарда тутилади.
Соғломлантириш души ва ванналари хоналари 21-жадвални ҳисобга олган ҳолда ва ШНҚ 2.08.03 га асосан қабул қилинади.
Бадан қорайтириш ва массаж хоналари камида 14 м², косметика кабинети камида 12 м², шифокор-маслаҳатчи кабинети - 12-16 м², даволаш бадан - тарбия кабинети ( тренажор хонаси) – камида 20 м² майдонли бўлиши керак.
Аёллар ва эркаклар залларини, маникюр ва педикюр кабинетларини ўз ичига олувчи гўзаллик салони, сарторошхоналарнинг майдонлари нормаларни ҳисобга олган ҳолда назарда тутилади. Фитобар 1,2-1,3 м² майдон бир мижоз ўринига ҳисобланиб кўзда тутилади; фитобар қошида сув тушиш жиҳози бор ёрдамчи хона бўлиши шарт. Кафетериялар, чойхоналар амалдаги нормалар бўйича лойиҳаланади.
3.156. Сауна хоналарининг мажмуаси таркибига, қоида бўйича, қуйидаги хоналар назарда тутилади: ечиниш хонаси, дам олиш хонаси, душхона, хожатхона, буғли-сауна, бассейнли хона (хоналарнинг майдони – технологик асослар бўйича). Битта хонада дам олиш худудини ва микробассейнни жойлаштиришга йўл қўйилади. Буғли-сауна қурилмасига бўлган талаблар 2.77 бандида.
Буғли-саунада поғоналар ёғочдан, деворлар ёғоч ашъёсидан (қайин, жўка, тоғтерак, тилоғоч) бўлиши керак.
3.157. Майдони 25-30 м² и ундан кўп бассейнларнинг ванналари баландлиги камида 3.6 м бўлган залларга жойлаштирилиши шарт; Ванналар ихтиёрий шаклда ва чуқурликда бўлиши мумкин. Бассейн ваннасининг периметри бўйича камида кенглиги 1 м ли айланиб юриш йўлакчаси кўзда тутилади. Бассейн хонасига кириш жойи буғли, ювиниш ва душхона яқинида тамбур орқали жойлаштирилади; бассейн хонасига ўтиш йўли оёқ ваннаси орқали бўлиши керак.
Ўлчами 6х10 м ва ундан ортиқ ванналар соғломлантириш машғулотлари учун бассейнларга қўйиладиган норматив талабларни ҳисобга олган ҳолда, ёрдамчи ва техник хоналарни қўшиб лойиҳаланиши шарт.