Градостроительные нормы и правила

I. Автоматик ёнғин сигнализацияси
1. Автоматик ёнғин сигнализацияси қурилмаси (бундан кейин матн бўйича –АЁС) – ҳимояланадиган объектларга ўрнатилган қурилма - техник воситаларнинг мажмуи, яъни ёнғинни зудликда пайқайди, ишлов бериб, ушбу объектда кўрсатилган кўринишда хабар қилади, махсус ахборот ва(ёки) муҳандислик қурилмаларига сигнал-топшириқ беради ва ёнғин ўчиргич қурилмаларини ишлатиб юборади.
2. ШНҚ 2.08.02 нинг 1-иловасига мос жамоат бинолари ва иншоатларининг асосий функционал-типологик гуруҳларига тўғри келадиган ва идоравий таълуқлилигидан ва мулк шаклидан қатъий назар жамоат бинолари ва иншоатларининг барча хоналари (жумладан эвакуация йўлаклари) АЁС билан жиҳозланади.
Давлат ёнғин хавфсизлиги хизмати келишуви бўйича ушбу рўйхатга кирмаган, аммо функционал мўлжалланиши бўйича аналог ва ўхшаш жамоат бинолари ва иншоатларининг хоналари ҳам автоматик ёнғин ўчиргич сигнализацияси қурилмаси билан жиҳозланади.
3. Бундан ташқари, АЁС билан жиҳозланиши шарт:
а) Жамоатга мўлжалланган хоналар, бошқа йўналишга мўлжалланган бино ва иншоатларга киритиб қурилган (олд ёнига қурилган) хоналар (ишлаб чиқариш, омборхоналар, турар жой, алоқа, транспорт ва бошқа хоналар);
б) тутинни сезадиган ёнғин хабарини берувчи жиҳоздан фойдаланиб, ёнғин ҳимоясининг тизимини ишга тушириб юборадиган, бошқарув аппаратининг ишга туширишга сигнал беришини шакиллантириш мақсадида, бир вақтнинг ўзида автоматик ёнғин ўчиргич қурилмалари ва тутунга қарши ҳимоя тизими билан жиҳозланадиган жамоат бинолари ва иншоатлари.
4. АЁС ни зинапоя катакларида, спринклер ёнғин ўчиргич қурилмаси билан жиҳозланган хоналарда (36 - бандда келтирилган холатлардан ташқари), ҳўл жараёни (душхоналар, хожатхоналар, совутиш камералари, ювиш хоналар ва шунга ўхшаш хоналарда), гўшт, балиқ, сабзавот, меваларни (ёнмас қадоқларда) сотувга тайёрлаш ва сақлаш хоналарида, шамоллатиш камераларида, сув таъминоти насосхоналарида ва шунга ўхшаш хоналарда, бошқа ёнувчан ашъёлар ва жиҳозлар йўқ хоналарда назарда тутмаслик мумкин, агарда лойиҳа топшириғида кўзда тутилмаган бўлса.
5. АЁС ни ШНҚ 2.04.09 “Бино ва иншоатларнинг ёнғин автоматикаси” талабларига ва бошқа шу тармоқдаги норматив хужжатларга мос лойиҳалаш зарур.