Go’zal va betakrorimsan, muqaddas Vatanim, jonim senga fido O’zbekistonim!

Darsning borishi

I. Tashkiliy qism.
O’quvchilarni darsga tayyorlash, davomatini aniqlash, darslik bilan tanishtirish
II. Yozgi ta’til bo’yicha qisqa suhbat.

III. Yangi mavzu.

(O’qituvchi barchaning e’tiborini ekranga tortadi va bolalar mustaqillik darsi shiorini o’qiydi).

O’qituvchi - Aziz o’quvchilar! Bugungi darsimiz yurtimiz mustaqilligining 25 yilligiga bag’ishlangan bo’lib, sizlar bilan “Kecha kim edik-u, bugun kim bo’ldik?” mavzusida suhbatlashamiz.

Jahon shoirlari Vatan sha’niga,

Sifat axtarmishlar qator va qator,

Nihoyat kelmishlar bitta ma’niga,

Ona Vatan deya bitmishlar ash’or.

Vatan – nafaqat ulug’, hayotbaxsh so’z! U bizga oq sut bergan onaga qiyoslanadi, ona Vatan deya mehr bilan aytiladi.Bolajonlar, siz Vatanning nega ulug’lanishi haqida hech o’ylab ko’rganmisiz? Bilasizmi, hali dunyoga kelmasimizdan oldin ota-onamiz bizga beshik yasahsni orzu qiladi. Mana shu mo’jazgina beshik bizning ilk Vatanimizdir!

Sizlar ham yillar davomida ulg’aydingiz, aqlingiz to’lib, yoshingiz yetib maktabga keldingiz. Endi sizning lug’atingizdan O’zbekiston, Mustaqillik, Istiqlol kabi so’zlar joy oldi. Sekin- asta Vatan mehrini, Vatan tuyg’usini anglay boshladingiz.

O’g’il – qizlarim! Bugungi darsimizda Vatan haqidagi tushunchalarimizni kengaytiramiz. Darsni musobaqa va savol-javob asosida olib boramiz. Kelinglar, buning uchun ikki guruhga bo’linib olamiz.