Государственная инспекция по надзору за безопасным ведением работ

9.3 Иссиқ массивларни майдалаш.

§ 375. Иссиқ массивларни майдалашни «Саноатконтехназорат» ДИ билан келишилган йўриқномаларга мувофиқ амалага ошириш керак.

§ 376. Иссиқ массивларда портлаш учун фақат D гуруҳи (тутунли порохдан ташқари) портловчи моддаларидан фойдаланишга рухсат этилади. Электр усули билан портлатиш ман этилади.
§ 377. Ҳарорати 80⁰ С гача бўлган шпурни (қудуқ, калтақудуқни)¹ термоизоляция қобиғисиз зарядлашга рухсат этилади. Бундай ҳолда шай-патрон қўшимча равишда пергамент, крафт-целюлозли ёки ўрама коғозга жойланган бўлиши лозим.
Шпурга ёндирувчи найчани жойлаш йўли билан шай-патрон ўрами ишончлилигини текшириш зарур. Шай-патронни устки кисмини текшириш керак шпурга ёнаётган трубка жойлаштириб. Агар детонатор 5 минутдан олдин портласа, ўрамни қалинлаштириш керак.
§ 378. Ҳарорати 80⁰ С дан ортиқ бўлганда зарядни ҳаммаси умумий термоизоляция қобиғига жойланиши керак. Портлатишни оловўтар шнурнинг узунлиги камида 60 см бўлган капсюль-детонаторни оғзи билан бирга ягона термоизоляция қобиғига жойланган ёндирувчи найча ёрдамида амалга ошириш зарур. Оловўтар шнурни шай-патрон изоляция қобиғини ичида ва умумий қобиқда бураш ва ўрамлаш ман этилади.
Ҳарорати 200⁰ С дан ортиқ бўлган шпурларда зарядлаш ва зарядларни портлатиш ман этилади.
§ 379. Ҳарорати 80⁰ С дан ортиқ бўлган иссиқ массивларда ташқи зарядларни қўллаш ман этилади.
§ 380. Ҳарорати 80⁰ С дан паст бўлган шпурда бир вақтда зарядлаш ва кўпи билан бешта зарядни, ҳарорати 80⁰ С дан ортиқ бўлганда эса битта зарядни портлатишга рухсат этилади.
§ 381. Барча ҳолларда зарядлаш ва тиқинлаш иккита портлатувчи томонидан портлатиш ишларига раҳбарлик қилувчи техник назорат шахси иштирокида бажарилиши керак.
Зарядлашдан олдин техник назорат шахси ҳароратни ўлчаши ва фақат шундан кейин зарядлашга рухсат бериши керак.
Агар 4 минут давомида портлатувчилар ҳамма шупрларни зарядлаб улгурмаса, портлатиш ишларига раҳбарлик қилувчи техник назорат шахси зудлик билан зарядлашни тўхтатиш ва одамларни хавфсиз жойга чиқариш ҳақида команда беришга мажбур.