Государственная инспекция по надзору за безопасным ведением работ

3. ПА сақландиган устки ва яримчуқур вақтинчалик омборлар
3.1. ПА сақландиган вақтинчалик омборлар тахта, пахса, тупроқ ва шу кабилардан бўлиши мумкин.
Омборларнинг иморатлари учун фойдаланилмайдиган сарой, қурилиш, ертўла ва бошқа хоналарни мослаштириш мумкин. Бу иморатлар шамоллатиладиган ва улардан ёмғир ва қор ўтишидан ҳимояланган бўлиши керак. Иморатлари учун мослаштирилган бинолардаги печларнинг ўтхоналари сувалган бўлиши керак.
3.2. Вақтинчалик омборларда:
а) поллар тахта, бетон ёки лойдан қилинган бўлиши мумкин;
б) ёғоч деворлар ва томлар оловдан ҳимоялайдиган таркиб билан қопланиши керак;
в) тўсиқлар ходачалар, тўқима, тахта ва бошқа шундай материаллардан қурилишига рухсат этилади, бунда тўсиқнинг баландлиги камида 2 м бўлиши керак;
г) сув ҳавзаларини қуриш шарт эмас;
д) тамбур қуриш шарт эмас, эшиклар бир табақали бўлиши мумкин;
е) иморатлари ичидаги ишчи ёритиш конни аккумуляторли ёритгичлари ёки қуриқ батареяли (металл корпусли, резина ғилофли) фонарлар билан амалга оширилиши мумкин;
ж) мослаштирилган бинолардаги эшик ва деразаларнинг тегишли ўлчамларини ўзгартирмасдан қолдириш мумкин.
Қолганлари бўйича вақтинчалик омборларга ҳам доимий омборларга қўйилган талаблар қўйилади.
3.3. Шаҳар чегарасида қуриладиган (метрополитен қуришда иншоотлар ва бошқалрини қазиб ўтиш) ПА сақландиган вақтинчалик омборлар фойдаланилмайдиган қурилишнинг қуриқ шамоллатиладиган ёртўлаларига ёки атайлаб 2.5 м гача чуқурлаштирилган томи камида 2 м гача кўмилган хоналарга жойлаштирилиши мумкин. ПМ, ТВ ва НПАлар сақланадиган хоналар бир-биридан ва қалинлиги камида 25 см бўлган ғишт (бетон) деворли ПА тайёрлаш хонасидан ажратилган бўлиши зарур.


4. ПА сақландиган устки ва яримчуқур қисқа муддатли омборлар


Умумий талаблар

4.1. Қисқа муддатли турдаги ишларни бажариш учун ПАни: фойдаланилмайдиган сарой, қурилиш, ертўла ва бошқаларда; темир йўл вагонларида; кемаларда; автомабиль, тиркама ва араваларда; палатка, ғор ва чайлаларда; портлатиш ишлари бажариладиган жойларнинг ёнидаги майдончаларда сақлашга рухсат этилади.

4.2. ПАни қисқа муддатли омборларида мазукр Қоидаларнинг 3.1, 3.2 –бандлари талаблари бажарилиши керак. Бунда яшинҳимоя, ёритиш, телефон алоқа, омбор тўсиқлари атрофига ариқлар ва ПА омбори атрофини дарахтлардан тозалаш зонасини қилиш шарт эмас. Қолган барчасида мазукр Қоидаларнинг тегишли талаблари бажарилиши керак.
Қисқа муддатли омборлар тўсиғини камида 1,5 м баландлик, энг яқин иморат деворидан 20 м узоқликда қуришга рухсат этилади. Тўсиқдан соқчилик хонасигача бўлган масофа камида 15 м бўлиши керак.
Қисқа муддатли омбор иморатларининг тахта деворлари ички ва ташқи томонидан оловдан ҳимоялайдиган таркиб сифатида уч тузли оҳак-туз эритмаси билан қопланиши зарур.