Государственная инспекция по надзору за безопасным ведением работ

Чуқурлаштирилган омборлар
6.20. Омборга олиб борадиган иншоотларнинг оғизлари икки табақали ташқарига очиладиган эшиклар билан жиҳозланиши зарур. Ташқи эшик яхлит металл ёки пўлат тунука билан қопланган тахта, ичкиси эса панжарали бўлиши керак.
6.21. Агар омборга кириш жойидан ПА сақланадиган энг яқин камерагача бўлган масофа 15 м дан ортиқ бўлса, унда омбор иккита чиқадиган жойга эга бўлиши керак. Омбор ерости омборларига ўрнатилган талабларга мувофиқ равишда шамоллатилиши керак.
6.22. Омборга олиб борадиган иншоотлар оғизининг олди томонидан баландлиги иншоот баландлигидан 1,5 м ортиқ бўлган ҳимоя ғовини ўрнатиш зарур. Ҳимоя ғовининг узунлиги ғов чўққиси бўйича ҳисобланса иншоот энининг камида уч баробарига, эни эса чўққи бўйича камида 1 м бўлиши керак. Ғов тагининг ўлчами тупроқнинг табиий қиялик бурчаги билан аниқланади.
6.23. ПА сақланадиган камералар ва уларга олиб борадиган иншоотлар ёнмас ёки ёнғиндан ҳимояловчи таркиб билан ишланган тахта тиргаклар билан маҳкамланган бўлиши керак.
6.24. Чуқурлаштирилган ПА омборларининг электр жиҳозлари Йўриқноманинг 6.7 банди талабларига мувофиқ бўлиши керак. Чуқурлаштирилган омборлар иншоотлари чироқларини ўчириш ва улаш юзадан бажарилиши керак.
Электр энергиясининг турғун манбалари бўлмаганда корхона раҳбарининг рухсати билан омборни ёритиш учун кончилик аккумуляторли шахсий ёритгичлардан фойдаланишга рухсат этилади.
6.25. Ҳар бир омборга корхона билан боғланадиган телефон алоқаси ўрнатилиши керак.
6.26. Қоплайдиган қатламнинг қалинлиги 10 м дан ортиқ бўлса, чуқурлаштирилган ПА омборларининг иморатларини яшин ҳимоя билан жиҳозланмайди.
Омборда рельсли йўл ва қувур-йўллар мавжуд бўлганда, улар ер устига ётқизилган рельс ва қувурлардан изоляцияланган бўлиши керак.
6.27. Чуқурлаштирилган ПА омборлари ҳудудини тўсишда чиқиш жойлари тўсиқ ичида бўлишини ҳисобга олиш керак.
6.28. Қўриқлаш постлари омборни кириш жойига ҳам, шамоллатиш иншооти оғзига ҳам, агар омборни кириш жойидаги постдан кўринмаса захиравий чиқиш жойига ҳам қўйиш керак.
6.29. Чуқурлаштирилган омборларига қўйилган бошқа талаблар устки доимий омборларга қўйиладиган талабларга мувофиқ бўлиши керак.