Государственная инспекция по надзору за безопасным ведением работ

Портловчи материалларни чайла, ғор ва бошқа пунктларда сақлаш
4.30. Портловчи материалларни чайла, чодир, ғор ва шу кабиларда сақлашда ёғин-сочин ва қуёш нури таъсиридан уларни сақлашни таъминлаш керак.
ПАни ердан камида 20 см баланд бўлган ёғоч катга ётқилиб қўйиш зарур.
Ҳудуд тўсиқлар (ходачалар, сим ёки арқон) билан тўсилган бўлиши керак.


Портловчи материаллар сақланадиган майдончалар
4.31. Шовуш (муз оқиши) ва сув тошқини зараридан объектларни муҳофаза қилиш бўйича портлатиш ишлари бажарилганда махсус майдончаларда ПАни қисқа муддатли (кўпи билан 30 кун) сақлашга рухсат этилади. Ялпи портлатиш, геофизик ва бошқа бир марталик ишларни бажариш 90 суткадан ортмаслиги керак. Бунда ПАни барча ҳолларда ердан камида 20 см баланд бўлган ёғоч катга жойлаштириш ва айвонга ёки брезент ёпгич тагига қўйиш керак.
4.32. Мелиоратив қурилиш ишларида ПАни вақтинчалик майдончаларда сақлаш муддати ва тартиби қурилиш ташкилоти раҳбарлари томонидан “Саноатконтехназорат” ДИ ва ички ишлар органлари билан келишув бўйича ўрнатилиши мумкин, лекин барча ҳолларда майдончаларни ҳар йили қайта рўйхатдан ўтказиш ва фойдаланишга қабул қилиш билан икки йилдан ошмаслиги керак.
4.33. Майдончаларда ПАни сақлашда тезлатиш воситаларини ПМ детонациясини узатиш бўйича ТВни актив заряд деб қабул қилган шартдан келиб чиқадиган хавфсиз масофадаги алоҳида майдончалар ёки чодирларга жойлаштириш зарур.


5. Сейфли бинолар ва бино-сейфлар
Илмий ва ўқув ташкилотларида ПА сейфли бинолар ва бино-сейфларда сақланиши керак. Бундай бинолар ёнмас девор ва тўсиқларга эга бўлиши керак. ПА сақланишига мўлжалланган бинонинг ёндош хоналари, шунингдек устда ва остидаги хоналарда одамлар доим турадиган иш жойлари бўлмаслиги керак. Бу хоналарни қўшни бинолардан камида 25 см бўлган яхлит ёнмайдиган бетон ёки ғиштли асосий девор билан бўлиш керак. Бинонинг эшиги оловбардошлик чегараси камида 45 мин бўлган материалдан тайёрланиши керак.
Тезлатиш воситаларини сақлашга мўлжалланган сейфлар ичидан юмшоқ материал билан қопланган, заминланган ва ПМли сейфдан камида 2 м узоққа жойлаштирилган бўлиши керак.
Бинлар ўт учириш ва қўриқлаш сигнализацияси билан жиҳозланган бўлиши керак.