Glossariy o’qitish metodikasida qo’llaniladigan asosiy terminlar axloq

Dars – bu bevosita о‘qituvchi rahbarligidagi muayyan ta’lim oluvchilar guruh bilan olib boriladigan ta’lim mashg‘ulotidir.
Darslik – DTS, о‘quv dasturi, uslubiyati va didaktik talablari asosida belgilangan milliy istiqlol g‘oyasi singdirilgan, muayyan о‘quv fanining mavzulari tо‘liq yoritilgan, tegishli fan asoslarini mukammal о‘zlashtirilishiga qaratilgan hamda turdosh ta’lim yо‘nalishlarida foydalanish imkoniyatlari hisobga olingan nashr.
Jamoa – bu shaxslararo muloqot munosatlarining biror bir muayyan maqsad yо‘nalish, soha bо‘yicha birgalikdagi faoliyatining ijtimoiy qiymatlari va shaxsiy jihatdan ahamiyati orqali о‘z ifodasini topadigan guruhdir.
Jamoada va jamoa yordamida tarbiyalash – bu tarbiya jarayonida tarbiyalanuvchilarning jamoa bо‘lib birlashishlari, ularda manfaatdorlik birligi, о‘zaro yordam tuyg‘usini о‘stirish jarayonidir. Bunda tuyg‘u tashkil etilgan jamoa a’zolarining qobiliyat va iste’dodini rivojlantirish uchun keng yо‘l ochadi va shuning bilan birga jamoada tarbiyalanuvchi har tomonlama rivojlanish uchun keng imkoniyatga ega bо‘ladi. Tarbiyalanuvchilar ahil jamoa bо‘lib uyushganlaridagina tarbiyaviy ishlarni amalga oshirish ancha yengil va muvaffaqiyatli bо‘ladi. Yaxshi uyushgan jamoada jamoa fikri katta tarbiyaviy kuchga ega bо‘ladi va har bir shaxsga ta’sir etadi. О‘z manfaatini jamiyat manfaati bilan qо‘shib olib borish, о‘zaro yordam kabi fazilatlar, avvalo jamoada shakllanadi. О‘qituvchi hamma vaqt tarbiyalanuvchilar jamoasiga tayanmog‘i, ularni jamoa bо‘lib turli ishlarni bajarishga odatlantirib, jamoada yashash va ishlashga о‘rgatib borish lozim.
Innovatsion ta’lim – bо‘lajak mutaxassislarni joylarda ishlashga tayyorlovchi jarayon bо‘lib, u avval olgan bilimlar asosida ta’limni takomillashtirish va samarali yangicha yondashuv qilishdan iborat. Unda ta’lim- tarbiyada yangicha sifat kо‘rsatkichiga erishib, yuqori samaradorlikni qо‘lga kiritish amalga oshiriladi va ijokorlikka yо‘naltiriladi hamda ta’lim texnologiyalarini yangicha sifat bosqichiga kо‘tarish, shuningdek, ta’lim-tarbiyada zamonaviy yondashuvlarni tashkil qilib borishni ta’minlaydi.
Innovatsiya – yangilanishni, о‘zgarishni amalga joriy etish jarayoni va faoliyati (inglizcha innovatsiya – kiritilgan yangilik, ixtiro). Ilmiy texnika yutuqlari va ilg‘or tajribalarga asolangan texnika, texnologiya, boshqaruv va mehnatni tashkil etish kabi sohalardagi yangiliklar, shuningdek ularning turli sohalari va doiralarda qо‘llanishini aks ettiradi.