Glossariy atom

Nurlanishning kvant nazariyasi – bu nazariyaga muvofiq energiya uzluksiz ravishda ajralib chiqmaydi, balki u mayda – mayda bo’laklar yoki portsiya – portsiya holida ajralib chiqadi va kvantlardan iborat bo’ladi. Bu nazariyani 1900 yili nemis fizigi Plank maydonga tashladi.

Orbital kvant son – elektron orbitallar shaklini tasvirlaydi. Orbital kvant sonning qiymati 0 dan n – 1 ga qadar bo’lishi mumkin. Uning qiymatlari lotin alfavitining kichik harflari (s,p,d,f,g,...h) bilan ko’rsatiladi. Bu tushuncha fanga 1916 yilda A.I. Zommerfeld tomonidan kiritilgan.

Osmos – erituvchi zarrachalarining yarim o’tkazgich parda orqali o’tish jarayonidir. Agar erituvchi eritma o’rtasiga yarim o’tkazgich parda (membrana) qo’yilsa, bu parda orqali erituvchi zrrachalari eritmaga o’tib, uni suyultira boshlaydi.

Osmotik bosim – erigan modda zarrachalari yarim o’tkazgich orqali o’ta olmaganligi sababli unga urilib ko’rsatiladigan bosimdir.

Oddiy moddalar – bitta elementning atomlaridan hosil bo’lgan moddalardir.